aRom 7:15 - Izere New Testament

¹⁵ Mi ren ike̱ng ife mi ta nye baꞌ. Kamok ike̱ng ife mi ta shim ke mi nye, iyong ne mi nye baꞌ. Amma iya mi ta shim ta nye baꞌ, iyong ne mi shishing i ban i nye ingya.

aRom 7:15 Referans Kwoze

aGalati 5:17

Kamok kuse rinerawe shim ike̱re̱ iya i ta nye ife Kabik baꞌ ne Kabik shim ike̱re̱ iya i ta nye ife kuro̱m baꞌ. Kuse iri ifa na nye aner be amudo̱n. Iyong ne isak yin kyem i nye yin ike̱re̱ yin ta shim ke i nye yin baꞌ.

aYakub 3:2

Yir cei i taam yir niren ze̱r ze̱r, ke akak taam nikeng iya wu ta fe̱ baꞌ, i nye ye wu se ryong, a ta kyem a nisak riye̱ rice wu cei.

aRom 12:9

Kushim ra se kaye̱e̱r katsak. Rayin ike̱ng iya i ta nye imaan'e, amma yiir yin ike̱ng iya i ta nye itek.

aZhud 1:23

Shesh yin ákak kyo̱ndi a ta shesh anerawe kaye̱e̱r kuro̱ng. Ro̱ yin riye̱ ákak ba, amma nye yin tatan. Fok yin akye̱re̱ ares ba ne amaan kunye ba kuri rife̱ rinerawe.

aRom 14:22

Kamok anong, won kuto̱ro̱ng wan tin be natoon ike̱re̱ na tu se wan be Adakunom wan tsek. Aner riye̱ rikan ne a nye aner aya a tin be riye̱ gak natoon ike̱ng iya riye̱ wu tú ku no̱o̱k ye a ra nye baꞌ.

2 aTimoti 2:19

Gip be anong, katsak rife̱ Adakunom'me ri ta nye itsik'e rusek kpa be izibir natoon'e ye, “Adakunom ren áya a ta nye áfu,” be, “Koangan aya a ta fe̱ ye wu nye afe Agwo̱m Ágwo̱m a ra won amaan kunye wu dim.”

Ibrani 1:9

Wan shim katsak ne i rawan amaan kuse kamok anong Adakunom, a ta nye Adakunom wan, tá kasa a ta ka korok name rice. A tá sak wan ta se̱ kuyiik ku ta nar kufe áfudang wan.”

aRom 7:16

Ke i nye ye ike̱ng mi ta shim ta nye baꞌ, iyong ne mi ban i nye ingya. To̱, aser Itsi nye ike̱ng itek.

aLuka 11:48

Yin tonong yin ye, yin kuus yin kama ike̱re̱ áda yin tá nye. Ba ne á fe̱s áner kuzarap'e ne yin no̱k yin are̱k'e.

aYohana 15:15

Mi tà ba ka yis yin ye ásam baꞌ, kamok asam ren kuto̱ro̱ng atekasa wu baꞌ. Mi ta ka yis yin ye áferime̱ mi makong, kamok koakye ike̱ng iya mi tá bo̱so̱p nufe Ada mi, mi ma ka taas yin.