aRom 7:14 - Izere New Testament

¹⁴ Yir ren yir ye Itsi'me nye itak kabik, amma mi be kuse rinerawe, a ti sok a tá re̱p rine̱n'e kyo̱ndi asam.

aRom 7:14 Referans Kwoze

aRom 7:18

Mi ren ye sang ike̱ng ikak itek kuse kaye̱e̱r'i baꞌ, ife rinerawe. Kamok mi shim kunye ike̱re̱ i ta nye itek, amma kunye anong'e ti gaar.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

aMatiyu 5:28

Amma kyo̱o̱rna'me, mi ta tak yin ye, koangan ne a di aner abining a shim kaye̱e̱r riye̱ wu ye ke wu men be wu, a nye rikuna be wu kaye̱e̱r riye̱ wu.

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

aLuka 7:6

Ayong aYeso tseng be ba. A se gugo̱k be kasa'me baꞌ, ne aritek ásozha'me tom áferime̱ wu nufe aYeso ye á ra se fe̱ be wu ye, “Atekasa, sang tu daam baꞌ, mi kyem ke wan be̱ nasa mi baꞌ.

aLuka 5:8

aSiman Bitrus tá fa di anong, ne a tigbok akuur wu kaben nasho̱o̱n aYeso nong a tá fe̱ ye, “Kam be mi Agwo̱m Ágwo̱m, mi nye aner rine̱n.”

aMatiyu 18:25

Kamok asam'me ta kyem a karang kuta a tu ku kuus'e baꞌ, yong atekasa'me fe̱ ye, a ra re̱p asam'me be abining wu ne inoon wu be ike̱re̱ wu cice̱r nong a tin karang kuta'me.

aMatiyu 16:23

Amma aYeso kirik a tá fe̱ be wu ye, “Kam be mi, Ishetan, wan sor ike̱ng mi tanin turuk kutak. Wan to̱ natoon ike̱re̱ iya Adakunom ta shim baꞌ, ma ife rinerawe.”

Ibrani 4:12

Katsak'e rife̱ Adakunom be kutser ne ri be agap itomong. Agap wu nar afe awe̱n iya i i ta ya abas afa. a te̱m ma kaye̱e̱r kuro̱m ánerawe nong a ta kam kutser be kabik ne ikap be ise̱re̱, ma i ren kuto̱ro̱ng riye̱ anerawe be kunye wu.

aRom 3:9

Iyong yir ta fe̱ yir ane̱ makong e̱? Ka yir áner aYahuda yir nar yir ribir ánerawe a? Ko cie̱k. Yir n tonong yir ye áner aYahuda be áya sang á ta nye áner aYahuda baꞌ, cice̱r a se kaye̱e̱r kukyem rine̱n.

aRom 6:6

Yir ren yir ye an ti gak kuse yir kufe agbugbang kuri kufe rinerawe mak be wu fan ri bin be agap natoon yir. A nye anong fan i bu te yir ásam rine̱n baba.

aGalati 4:3

Anong ne i se gip, nizen iya i ta ru nye yir inoon, i se yir kaye̱e̱r risam ku kuus igo̱o̱n kazatse na