aRom 6:3 - Izere New Testament

³ Aser, yin ta ren yin ye yir cice̱r aya a tin nye yir abatisma kaye̱e̱r aYeso Kiristi a ti nye yir abatisma'me kaye̱e̱r riku wu aꞌa?

aRom 6:3 Referans Kwoze

aGalati 3:27

Kamok yin cice̱r áfe i ta te yin azining be aYeso kaye̱e̱r abatisma ne yin sok yin kuse aKiristi.

aRom 6:8

Kyo̱o̱rna ke yir kus yir mak be aKiristi, yir ti no̱o̱k yir katsak ye yir ta bun sor yir mak be wu.

1 aKoranti 12:13

Di, Kabik Kazhe̱l'e a ti nye yir abatisma kaye̱e̱r kuro̱m kuzining cice̱r yir, aner aYahuda ka aya sang a ta nye aner aYahuda baꞌ, ka asam ka aner a ta nye asam baꞌ, a min no̱o̱k yir Kabik kazining cice̱r yir nong ta so̱ yir.

1 aBitrus 3:21

Ashi'ong sor kyo̱ndi abatisma aya yir ta nye yir, i tin se̱ yir kashesh. Sang nong tin tun yir narik kuro̱m baꞌ, amma kamok yir ta nye yir Adakunom izong be riye̱ rizining ne kamok aYeso Kiristi tá dorok nure̱k.

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

aYakub 4:4

yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

1 aKoranti 9:13

Yin ren yin ye áfe a ta nye itomong nagbang kutu kuya Adakunom iben, se̱s naya ba azong aꞌa? Áfe a ta nye itomong na abagadi, se̱s kanu kafuba azong kaye̱e̱r ike̱ng á ta be̱s'e aꞌa?

aRom 7:1

To̱, ároneng, kum yin ta ren yin Itsi yin ta ren yin ike̱ng iya mi tin fe̱ natoon'e. Itsi ti nye rigwo̱m natoon aner ke aner'e rusek be kutser tsek.

aRom 6:16

Yin ren yin ye, ke yin no̱o̱k yin rice yin i ta te yin ásam aner akak, to̱, yin sor yin ásam aner ayong, ta kuus yin rife̱ wu aꞌa? Ka tu sor yin ásam rine̱n, ri tana sak ánerawe ta ku, ka tu kuus yin rife̱ Adakunom ri tana sak ta te yin gye̱r nasho̱o̱n wu.

Itomong Ámanzo 19:5

Ba tá fa fok anong ne a ka nye ba abatisma kaye̱e̱r riyerek Agwo̱m Ágwo̱m yir aYeso.

1 aKoranti 6:9

Yin ren yin ye ákardak áner tà won dar a no̱ kaye̱e̱r rigwo̱m Adakunom aꞌa? Sang tu won yin akak ta ka wo̱k yin baꞌ, áner aya a ta nye rikuna ka áya a ta kuus ike̱re̱ itsi ka áfe a ta nyiis kuro̱m be áfe a sang a tan nye kuwe̱ne̱ng baꞌ, ka átek áfe ányining ta ka nyesek ba itso̱m nong á tà mereng be ba, ka átek á ta mereng be átek,

1 aKoranti 5:6

Kuka yin nye kutek baꞌ. Aser, yin ren yin ye ayisti cie̱k ne a sak nakan'e kusum ta dorok aꞌa?

Itomong Ámanzo 8:16

Kamok ákak ba tsang a se̱ Kabik Kazhe̱l'e nizen iyong nizham baꞌ, a tsang a ku nye ba abatisma kaye̱e̱r riyerek aYeso mama tsek.

2 aKoranti 13:5

Maas yin rice yin nong ta di yin ka yin kuus yin aYeso Kiristi kaye̱e̱r katsak'e, bo̱mo̱ng yin rice yin, yin ren yin ye aYeso aKiristi se kaye̱e̱r yin, sang ke yin kpa yin kumaas baꞌ.

1 aKoranti 15:29

Ke i nye ye kudorok ikom kuse baꞌ, akye̱ ne áya a ta nye ba abatisma rice áfe a tan kus ta nye e̱? Ke i nye ye kudorok ikom kuse baꞌ, akye̱ sak a tu nye ba abatisma'me e̱?

1 aKoranti 3:16

Aser, yin ren yin ye yin nye yin karo̱ Adakunom tu ku sor aꞌa? Yin ren yin ye Kabik Adakunom sor kaye̱e̱r yin aꞌa?

1 aKoranti 6:19

Yin ren yin ye kuro̱m yin nye karo̱ kusor Kabik Kazhe̱l'e aꞌa? Wu ne a se kaye̱e̱r yin, aya Adakunom tá ka no̱o̱k yin aꞌa? Yin sor yin kusor rice yin baꞌ,

1 aKoranti 9:24

Aser, yin ren yin ye ke a ta maas itsi, cice̱r áfe itsi'me teng gye̱rtatan amma aner azining ne a ra ya itsi'me aꞌa? Kamok anong teng yin kyo̱ndi yin tà ya yin itsi'me.

1 aKoranti 10:2

I se kyo̱ndi a tú nye ba abatisma kaye̱e̱r kune̱n'e ne kaye̱e̱r agbang isho̱ng'e cice̱r nong a tá te afe ku kuus aMusa.