aRom 6:21 - Izere New Testament

²¹ Akye̱ kuri ishorong ne yin tà se̱ yin kaye̱e̱r ike̱re̱ iyong i ta sen ka no̱o̱k yin isum kyo̱o̱rna e̱? Ike̱re̱ iyong be̱e̱n riku!

aRom 6:21 Referans Kwoze

aRom 1:32

A ren Itsi Adakunom iya i ta fe̱ ye a ra fe̱s áner aya a ta nye ike̱re̱ kuri iyu gye̱rtatan, amma á nye ike̱re̱ kuri iyong'e tsek baꞌ, amma á kuus kama áya a ta nye anong.

aRom 7:5

Kamok izen iya ife yir tá sor yir kaye̱e̱r kuraar yir kuri kufe rinerawe, Itsi ti wo̱k yir nunye rine̱n kushim riye̱ yir ma kunye yir'ong ti be̱e̱n yir riku.

aRom 6:23

Kamok ishorong rine̱n nye riku, amma kunang Adakunom nye kutser kufe izen izen kaye̱e̱r aYeso Kiristi Agwo̱m Ágwo̱m yir.

1 aYohana 2:28

Kyo̱o̱rna inoon'i, yin aya mi ta shim, sor yin kaye̱e̱r aYeso nong ase̱ izen iya a tana bun a be̱, yir ta fok yir inyim ka isum nasho̱o̱n wu baꞌ.

Ibrani 6:8

Amma kaya amaan agam be ikiritsan tin tang nye ka kpe̱de̱ng'e. Adakunom tà fiming karo̱ kayong, ne a shosh nigang'e.

aRom 8:13

Kamok ke yin sor yin kaye̱e̱r kuse rinerawe, yin tà kus yin. Amma ke yin sor yin kaye̱e̱r Kabik, ne yin won yin kunye rine̱n, yin ta se̱ yin kutser.

aRom 8:6

Ke rine̱n ne ri te nye rigwo̱m natoon wan, wan ta ku, amma ke Kabik ne ka te nye rigwo̱m natoon wan, wan ta se̱ kutser ne kameneng riye̱.

Ike̱ng a ta tonong aYohana 20:14

Ayong a barak Riku ame ne karo̱ kaya nabik áya a tá kus tú ku sor kaye̱e̱r icen kuro̱ng ame. Iyuna ne i nye riku rife̱ afa.

Ike̱ng a ta tonong aYohana 16:6

Kamok ba tan nyos naso̱k ázhe̱l'e be áfe kuzarap wan, yong wan tú no̱o̱k ba naso̱k nong a tá so̱ te̱re̱ be kunye ba.”

1 aBitrus 4:17

Izen n nye a tana san kuto̱ ánerawe amok, a ta san'e be áfikuus Adakunom. To̱, ke a san'e be yir, i ta se ane̱ be áya a ta raba kukuus Rife̱ Ritek Adakunom e̱?

aYakub 5:20

Yiring yin iyu, koangan ne a tu bun be aner rine̱n na amaan kunye wu, a tu ku shesh riku ne a kis rine̱n ri ta se gaan.

aYakub 1:15

To̱, izen iya ne kushim riye̱ wu nyeseng be agap, a ta yiir nye rine̱n, ke ri rasak dide̱ng, ri ta be̱e̱n be riku.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?

2 aKoranti 7:11

Ye̱re̱k yin ta di yin, ike̱ng iya ife riye̱ riwe kuri rife̱ Adakunom'me ta ka be̱e̱n yin kaye̱e̱r aye̱ yin. Ri ta ka be̱e̱n yin ifeng, be kutonong ye yin se yin gye̱r. Ri ta ka sak yin riye̱ kubeseng ne i bun yin te yin zhing. Ri ta sak yin ti te yin riye̱, ne ri ka be̱e̱n yin kudaam. Ri ta ka sak yin ta sor yin be kanye̱k ye ke a nees áya a tá taam. Be anong ne yin tonong yin ye ko nabas anyaka yin be yin rine̱n nitak na baꞌ.

aFilipi 3:19

Igang ba nye á tà wei, adakunom ba nye nafa ba. Á ni tsor kafok ni itomong isum ba. Aye̱ ba se natoon ike̱re̱ kazatse tsek.

aRom 5:12

Kamok anong kyo̱ndi rine̱n tá no̱ nazatse kamok Adamu, rine̱n'e ne ri be̱e̱n be riku. Anong ne riku se natoon koangan, kamok koangan nye rine̱n.

aRom 6:16

Yin ren yin ye, ke yin no̱o̱k yin rice yin i ta te yin ásam aner akak, to̱, yin sor yin ásam aner ayong, ta kuus yin rife̱ wu aꞌa? Ka tu sor yin ásam rine̱n, ri tana sak ánerawe ta ku, ka tu kuus yin rife̱ Adakunom ri tana sak ta te yin gye̱r nasho̱o̱n wu.

2 aKoranti 4:2

Yir ban i ra yir ike̱re̱ a ta tsang a nye nune̱re̱ng ife isum ingya. Ike̱ng ikak ti gung yir be abo̱o̱s ka ta wo̱ro̱k yir ánerawe be rife̱ Adakunom baꞌ. Amma yir ban i taas yir katsak, be anong koangan ta fe̱ itak yir nasho̱o̱n Adakunom kaye̱e̱r riye̱ wu.