aRom 6:2 - Izere New Testament

² Wayo, cie̱k! Aye̱ yir n kus ni itak rine̱n. I ta bun i nye yir ane̱ i ta sor yir kaye̱e̱r rine̱n e̱?

aRom 6:2 Referans Kwoze

1 aYohana 3:9

Akak kuse a ta nye igon Adakunom ne a bun a yiir nye rine̱n baꞌ, kamok kuse Adakunom kuse kaye̱e̱r wu. A ta bun a ya kasho̱o̱n be rine̱n baꞌ, kamok a nye igon Adakunom.

aKolosi 3:3

Kamok yin tsang i kus yin, kutser yin se nune̱re̱ng nufe aKiristi kaye̱e̱r Adakunom.

aRom 7:4

Kamok anong ároneng, yin gip yin te yin kyo̱ndi yin kus yin nitak kukuus Itsi, kamok riku aYeso sak yin wher yin nitak Itsi, nong yin ta te yin afe akak ze̱e̱r, wu aya a tú ku dorok nure̱k, nong ase̱ yin tà nye yin itomong itek kamok Adakunom.

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

aGalati 2:19

Kamok ni itsi aMusa mi te kyo̱ndi kukom'e nabik nong Itsi'me tin be ike̱ng ikak natoon'i baꞌ, nong mi ta sor kamok Adakunom.

aRom 7:6

Amma kyo̱o̱rna, yir sor yir washak dar Itsi kamok yir n te kyo̱ndi ikom'e nike̱ng iya i ta tsang i sak yir te yir ásam'me. Kyo̱o̱rna, yir ma nye yir itomong niren ifas ife Kabik sang niren izen ife Itsi baꞌ.

1 aBitrus 1:14

Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.

aKolosi 2:20

Kum i tá kus yin mak be aKiristi ma yin kam yin be kukuus amaan nabik kazatse na, akye̱ sak yin bun i ru sor yin kyo̱ndi yin ru bun i kuus yin kazatse'me e̱?

aGalati 6:14

Adakunom rin roon kuka ma ke mi tin ya kuka be kutigak Agwo̱m Ágwo̱m yir aYeso Kiristi nukon, be riku wu ne mi ku ni ike̱re̱ kazatse na, ne ike̱re̱ kazatse ne ku ni mi.

aRom 5:11

Awan anong tsek baꞌ, aye̱ yir kare̱p kamok ike̱ng Adakunom tá nye be Agwo̱m Ágwo̱m yir aYeso Kiristi aya kamok wu ne kyo̱o̱rna yir ti nye yir igaas.

aLuka 20:16

“A tà tseng nong a tà se fe̱s áner wu tú ku no̱o̱k ba aro riko̱'me, ne a won riko̱'me nubo̱k áner ákak ze̱e̱r.” Ánerawe'me tá fa fok anong ne á fe̱ ye, “Adakunom ra roon'e!”

aRom 6:15

To̱, iyong ane̱ e̱? Yir ta yiir nye yir rine̱n kamok sang Itsi i ti nye rigwo̱m natoon yir baꞌ amma ritek Adakunom e̱? Wayo, cie̱k!