aRom 6:16 - Izere New Testament

¹⁶ Yin ren yin ye, ke yin no̱o̱k yin rice yin i ta te yin ásam aner akak, to̱, yin sor yin ásam aner ayong, ta kuus yin rife̱ wu aꞌa? Ka tu sor yin ásam rine̱n, ri tana sak ánerawe ta ku, ka tu kuus yin rife̱ Adakunom ri tana sak ta te yin gye̱r nasho̱o̱n wu.

aRom 6:16 Referans Kwoze

aYohana 8:34

aYeso fe̱ be ba ye, “Katsak'e, mi ta ka tak yin, koangan ne a nye rine̱n a nye asam rine̱n.

2 aBitrus 2:19

Á fe̱ be ánerawe ye ba ta se̱ kusor ne̱k, amma ba be rice ba nye ásam kusor kpe̱de̱ng. Kamok anerawe nye asam nufe koakye ike̱ng i tin nye rigwo̱m ni wu.

aMatiyu 6:24

“Koakak kuse a tana kyem a nye átekasa afa itomong ni izen izining baꞌ. Ke a nye anong, a ta shim akak ne a rawu akak, ka ne a tiyiik akak ne a zhe̱e̱sh akak. Yin ta kyem i ti te yin riye̱ ni ikuus Adakunom ne i bun i ni te yin riye̱ ni itso̱m baꞌ.

aRom 6:17

Amma yir be yir riye̱ rikan be Adakunom kamok rine̱n ne ri tsang ri ti nye rigwo̱m natoon yin gbugbang, amma kyo̱o̱rna be riye̱ rizining yin kuus yin ike̱re̱ a tá ka bo̱so̱p yin'e.

aRom 11:2

Adakunom gaar ánerawe wu baꞌ, áya wu tá tsang a ren. Yin ren yin ike̱ng iya kufumung Adakunom tá fe̱ natoon Iliya nizen a ta tos kanak nasho̱o̱n Adakunom kamok kuse áner Isarela aꞌa?

aRom 12:1

Kamok anong, ároneng, mi ta nye yin akusuk kaye̱e̱r kuro̱ riye̱ Adakunom ye i ra no̱o̱k yin iro̱m yin kyo̱ndi asidaka atser, azhe̱l'e, kuri aya Adakunom a tana fok kusas'e. Iyong ne i nye iren kuya Adakunom iben kufe katsak.

1 aKoranti 3:16

Aser, yin ren yin ye yin nye yin karo̱ Adakunom tu ku sor aꞌa? Yin ren yin ye Kabik Adakunom sor kaye̱e̱r yin aꞌa?

1 aKoranti 5:6

Kuka yin nye kutek baꞌ. Aser, yin ren yin ye ayisti cie̱k ne a sak nakan'e kusum ta dorok aꞌa?

1 aKoranti 6:2

Yin ren ye ázhe̱l'e ne á tà to̱ kazatse na amok aꞌa? Ke yin ne i ta to̱ yin kazatse amok, yin kyem i tà to̱ yin amok natoon ike̱re̱ izhizhe̱k'e aꞌa?

1 aKoranti 6:3

Yin ren yin ye yir ne i tà to̱ yir ámaleka amok aꞌa? Shita ike̱re̱ kazatse na baꞌ.

1 aKoranti 6:9

Yin ren yin ye ákardak áner tà won dar a no̱ kaye̱e̱r rigwo̱m Adakunom aꞌa? Sang tu won yin akak ta ka wo̱k yin baꞌ, áner aya a ta nye rikuna ka áya a ta kuus ike̱re̱ itsi ka áfe a ta nyiis kuro̱m be áfe a sang a tan nye kuwe̱ne̱ng baꞌ, ka átek áfe ányining ta ka nyesek ba itso̱m nong á tà mereng be ba, ka átek á ta mereng be átek,

1 aKoranti 9:13

Yin ren yin ye áfe a ta nye itomong nagbang kutu kuya Adakunom iben, se̱s naya ba azong aꞌa? Áfe a ta nye itomong na abagadi, se̱s kanu kafuba azong kaye̱e̱r ike̱ng á ta be̱s'e aꞌa?

1 aKoranti 9:24

Aser, yin ren yin ye ke a ta maas itsi, cice̱r áfe itsi'me teng gye̱rtatan amma aner azining ne a ra ya itsi'me aꞌa? Kamok anong teng yin kyo̱ndi yin tà ya yin itsi'me.

aMatiyu 20:4

Ayong a fe̱ be ba ye, ‘Yin gip tseng yin riko̱ mi nong tá sen nye yin itomong, mi tà ka karang yin gye̱r.’ Iyong á tseng ba.