aRom 6:13 - Izere New Testament

¹³ Sang tu no̱o̱k yin afe kuro̱m yir abas akak kamok rine̱n baꞌ nong ku ta sor ares amaan kunye baꞌ. Amma no̱o̱k yin Adakunom rice yin kyo̱ndi áner aya a tú ku tun ba kaye̱e̱r riku nong a tú ku bun kaye̱e̱r kutser. Ne i no̱o̱k yin rice yin kyo̱ndi ares ku ninye ike̱re̱ i ta se gye̱r nasho̱o̱n Adakunom.

aRom 6:13 Referans Kwoze

aRom 12:1

Kamok anong, ároneng, mi ta nye yin akusuk kaye̱e̱r kuro̱ riye̱ Adakunom ye i ra no̱o̱k yin iro̱m yin kyo̱ndi asidaka atser, azhe̱l'e, kuri aya Adakunom a tana fok kusas'e. Iyong ne i nye iren kuya Adakunom iben kufe katsak.

aRom 6:16

Yin ren yin ye, ke yin no̱o̱k yin rice yin i ta te yin ásam aner akak, to̱, yin sor yin ásam aner ayong, ta kuus yin rife̱ wu aꞌa? Ka tu sor yin ásam rine̱n, ri tana sak ánerawe ta ku, ka tu kuus yin rife̱ Adakunom ri tana sak ta te yin gye̱r nasho̱o̱n wu.

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

aRom 7:5

Kamok izen iya ife yir tá sor yir kaye̱e̱r kuraar yir kuri kufe rinerawe, Itsi ti wo̱k yir nunye rine̱n kushim riye̱ yir ma kunye yir'ong ti be̱e̱n yir riku.

1 aBitrus 4:2

Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.

aKolosi 2:13

Nizen iya yin ta se yin kyo̱ndi ikom'e kaye̱e̱r rine̱n yin be kuwon dar kunye izhak ife kuse yin kufe rine̱n, Adakunom sak yin bun i te yin atser kaye̱e̱r aKiristi. A ti re̱ng yir rine̱n yir cei.

1 aKoranti 6:20

a tá sheshek yin. Kamok anong tiyiik yin Adakunom be iro̱m yin.

1 aYohana 1:9

Amma ke yir taas yir Adakunom rine̱n yir, a tin re̱ng yir'e kamok wu be katsak ne a be kuse kutek, ne a ni kusu yir kaye̱e̱r koakye ike̱ng imaan'e.

1 aKoranti 6:15

Aser, yin ren yin ye iro̱m yin nye ikap kuro̱m aKiristi aꞌa? Mi ta sok ikap kuro̱m aKiristi nong tin nyim kuro̱m be inyak agwo̱m a? I ta te anong baꞌ, cie̱k.

Afisa 2:5

iyong sak kun ne yir ru nye yir ikom'e kamok rine̱n yir, ne i sor yir be kutser mak be aKiristi. Kaye̱e̱r ritek wu ne yir ti se̱ yir kashesh.

aFilipi 1:20

Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

1 aKoranti 6:9

Yin ren yin ye ákardak áner tà won dar a no̱ kaye̱e̱r rigwo̱m Adakunom aꞌa? Sang tu won yin akak ta ka wo̱k yin baꞌ, áner aya a ta nye rikuna ka áya a ta kuus ike̱re̱ itsi ka áfe a ta nyiis kuro̱m be áfe a sang a tan nye kuwe̱ne̱ng baꞌ, ka átek áfe ányining ta ka nyesek ba itso̱m nong á tà mereng be ba, ka átek á ta mereng be átek,

aRom 6:19

Mi fe̱ rife̱ na kuri rife rinerawe kamok kuraar yin kufe ánerawe. Kyo̱ndi yin tá tsang i sok yin abas akak afe kuro̱m yin nong i tin nye yin ike̱re̱ i ta se kye̱re̱ ne amaan kunye, kyo̱o̱rna no̱o̱k yin rice yin kyo̱ndi ásam natoon kunye ike̱re̱ i tana tonong ye yin se yin gye̱r nong ta te yin azhe̱l'e.

2 aKoranti 10:4

Ike̱re̱ itsom iya yir tin ko̱n yir nye kuri ife kazatse baꞌ. Wayo, i nye ife i ta be kukyem Adakunom, iya i tana kyem i yirik koakye kuri ikpaar ámudo̱n yir.

aRom 6:11

Anong ne yin gip, sok yin rice yin ye rine̱n n ku kaye̱e̱r yin, amma ne i sor yin kamok kuyiik Adakunom kaye̱e̱r aYeso aKiristi.

Afisa 5:14

Kamok akanang'e ne a sak a ta di koakye de̱s iyong ne i sak rife̱ Adakunom ta fe̱ ye, “Dorok, wan aya i ta se be ida, dorok kaye̱e̱r áfe a tan kus ne akanang aKiristi tin samang natoon wan.”

2 aKoranti 8:5

Ba nye kyo̱ndi yir ta tsang i sok yir kaye̱e̱r aye̱ yir baꞌ. Amma ni ime̱se̱ng'e, á no̱o̱k Agwo̱m Ágwo̱m ace ba, nama anong ne á ma no̱o̱k ace ba kamok yir kyo̱ndi Adakunom ta shim.

2 aKoranti 5:15

A ku kamok ánerawe cice̱r, nong áya a ta sor be kutser ta baꞌ, sor kusor rice ba baꞌ, amma á ta sor kusor kuya ku tana kare̱p riye̱ aner a tá ku a tá bun a dorok kamok ba.

aRom 7:23

Amma kaye̱e̱r kuro̱m'i, mi fok ike̱ng ikak ze̱e̱r ta nye itomong be iya riye̱ mi ta shim. Ike̱ng i ta sak kuro̱m'i be riye̱ mi ta can, ne i te kyo̱ndi asam kaye̱e̱r kukuus ike̱ng iya i ta se kaye̱e̱r kuro̱m'i.

aLuka 15:32

I se gye̱r ta nye yir riye̱ rikan ne i fok yir kusas'e kamok aronyining wan na tsang a ku, a bun a be̱ be kutser, a tsang a titei, a mu ku se̱.’ ”

aYakub 4:1

Akye̱ ne be̱s be kuren, be riwo̱ng nanu kaye̱e̱r yin e̱? I be̱s kamok ike̱re̱ yin ta shim yin iya i ta nye itso̱m kaye̱e̱r aye̱ yin aꞌa?

aRom 1:29

An shining be iriri ike̱re̱ iya i ta se gye̱r nasho̱o̱n Adakunom baꞌ, be rikpe̱ ne kudi ike̱ng ne amaan kuto̱ro̱ng. Igak ku naka shishim be ku naka fe̱s be kuren ne ku naka wo̱ro̱k be amaan kunye. Ba te áfe imok,

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aLuka 15:24

Kamok igon'i name tsang a ku, kyo̱o̱rna a nye atser, a tsang a titei, a mu ku se̱.’ Iyong á san riye̱ rikan'e.

2 aTasalonika 2:12

nong ase̱ a tà to̱ áya a tá gaar ku nino̱o̱k katsak amok cice̱r, ne á ta shim amaan kunye.

2 aKoranti 5:14

Koakye ne yir nye yir, sang kamok rice yir baꞌ, amma kamok ku shim aKiristi yir ne ku sak yir ta nye yir ike̱re̱'ong, yir ti no̱o̱k yir katsak ye aner azining ku kamok ánerawe cice̱r, kamok anong ne ánerawe cice̱r kus.

2 aTimoti 2:15

Nye koakye kuri ike̱ng iya wan tana kyem i nye nong ta tonong ye wan nye aner aya Adakunom tá kasa. Sang tu sor aner itomong aya a ta fok isum baꞌ, ne i bo̱so̱p rife̱ katsak gye̱r.