aRom 6:12 - Izere New Testament

¹² Kamok anong, tu won yin rine̱n tin nye rigwo̱m natoon kuro̱m yin nong ta kuus yin amaan ike̱ng iya wu tà shim baꞌ.

aRom 6:12 Referans Kwoze

aGalati 5:16

Ike̱ng mi tin fe̱ nye ye, i ri won yin Kabik Adakunom ta ka ko̱k yin kuse̱, nong fan yin bu kuus yin kuse rinerawe.

aRom 6:16

Yin ren yin ye, ke yin no̱o̱k yin rice yin i ta te yin ásam aner akak, to̱, yin sor yin ásam aner ayong, ta kuus yin rife̱ wu aꞌa? Ka tu sor yin ásam rine̱n, ri tana sak ánerawe ta ku, ka tu kuus yin rife̱ Adakunom ri tana sak ta te yin gye̱r nasho̱o̱n wu.

aRom 8:13

Kamok ke yin sor yin kaye̱e̱r kuse rinerawe, yin tà kus yin. Amma ke yin sor yin kaye̱e̱r Kabik, ne yin won yin kunye rine̱n, yin ta se̱ yin kutser.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

2 aKoranti 4:11

Ku sor yir kaye̱e̱r kazatse na cice̱r, yir sor yir kaye̱e̱r ike̱re̱ i tana kyem i tin fe̱s yir ti se̱s yir kamok aYeso, nong ta tonong yir kutser wu kaye̱e̱r kuro̱m yir iya i tana kus.

2 aTimoti 2:22

Kam be kushim amaan ike̱re̱ kuri ife ricam ne i ni te rice ni itse̱r kusor kuzhe̱l'e, ne kuno̱o̱k katsak be kushim ne kusor caang, mak be áfikuus áfudang wan á ta yis kaye̱e̱r riyerek Adakunom be riye̱ zhe̱l.

Afisa 4:22

A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.

aRom 2:8

Amma áya a ta shim rice ne á gaar katsak ne á nye amaan kunye, a tù ku karang ba be riye̱ kubeseng ne riye̱ riwe.

1 aBitrus 2:11

Áfo̱ yin, áya mi ta shim, mi ta nye yin akusuk, kum yin ta nye yin átsen kaye̱e̱r kazatse na, yin be yin kasa aze baꞌ, ye i ra kam yin be kudi ike̱ng kuri kufe rinerawe. Kuse kuri kuyong ko̱n itsom be kabik yin.

aTitus 2:12

Ritek'e ti bo̱so̱p yir iren kufe̱ ye, wayo be kuse kuri kuya Adakunom ta shim baꞌ, ne amaan kushim ike̱re̱ kazatse, nong ta yiir yir rice yir, ne i se yir zhe̱l ne i be yir kuse kuri kufe Adakunom kaye̱e̱r izam iyuna.

Afisa 2:3

Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.

aZhud 1:18

Á tá ka tak yin ye, “Kaye̱e̱r inom igang'e, áner ákak tu ku se áya a tana ka kok yin'e ne á kuus ike̱re̱ riye̱ ba sang ife Adakunom baꞌ.”

1 aBitrus 1:14

Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

1 aTasalonika 4:5

Sang be rinyisi rikan baꞌ, kyo̱ndi áfe a ta se nurin áfe sang á ta ren Adakunom baꞌ.

aRom 13:14

Amma i ban i naka kis yin be aYeso Kiristi Agwo̱m Ágwo̱m yir, sang i tu kuus yin amaan kuse rinerawe baꞌ.

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aRom 6:14

Rine̱n tin nye rigwo̱m natoon yin baꞌ, kamok sang Itsi ne ti nye rigwo̱m natoon yin baꞌ, amma ritek Adakunom.

aRom 5:21

nong ase̱, kyo̱ndi rine̱n ta nye rigwo̱m wu be riku, anong ne ritek Adakunom ta nye rigwo̱m wu kyo̱o̱rna be kuse gye̱r nasho̱o̱n Adakunom. Anong ne ri ta tseng be yir kaye̱e̱r kutser kufe izen izen kamok aYeso Kiristi Agwo̱m Ágwo̱m yir.

aZhud 1:16

Áner ayong be anyinye̱m ne á yiir rife̱ natoon ánerawe. Á kuus amaan kuto̱ro̱ng aye̱ ba tse̱k ne á ko̱k rice naza. Á ta wo̱ro̱k ánerawe be rife̱ re̱m re̱m nong á ta se̱ ike̱ng iya ba ta shim nufuba.

2 aKoranti 5:4

Kum yir ta rusek yir kaye̱e̱r kuro̱m na kaye̱e̱r kazatse, yir ta rus yir kamok a min firik yir, kamok yir shim ta sor yir íca'me baꞌ. Amma yir shim a tin kis yir be kuro̱m kufe kaza nong ike̱ng ife i ta be kutser ta wo̱no̱ng ike̱ng iya i ta nye ife kuro̱m iya i tana ku.