aRom 5:8 - Izere New Testament

⁸ Amma Adakunom tin tonong yir kushim wu dide̱ng anong, kum ne yir ru nye yir áfe rine̱n, aKiristi ku kamok yir.

aRom 5:8 Referans Kwoze

aYohana 15:13

Kushim kukak kuse ku ta nar kufe anerawe tana no̱o̱k kutser wu kamok áferime̱ wu baꞌ.

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aRom 5:6

Kamok nizen'e dim, kum ne yir ta kyem i naka tobok yir baꞌ, aKiristi ku kamok yir, yir afe i ta rayir Adakunom.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

1 aYohana 3:16

Yir ren yir ye kushim kufe katsak se ana, aYeso Kiristi no̱o̱k kutser wu kamok yir. Yir gip, yir tà no̱o̱k yir kutser yir kamok áfikuus áfudang yir.

Afisa 2:7

Adakunom nye anong, nong ase̱ a tà tonong izam ife i tana be̱ kuri ritek riya sang ri ta be igak baꞌ. A ti tonong yir anong kamok ritek wu kaye̱e̱r aYeso Kiristi.

aRom 4:25

Kamok rine̱n yir ne a sok aYeso a no̱o̱k nong a tá ku, a tu ku dorok be kutser nong a tin sak yir ta te yir gye̱r nasho̱o̱n wu.

1 aTimoti 1:16

Amma Adakunom ti tonong kuro̱ riye̱ dide̱ng kamok mi tsang i nar rine̱n, aYeso Kiristi tonong kutsesek wu dide̱ng natoon'i nong ku ta sor ike̱ng kumaas nufe áner aya a tanin no̱o̱k katsak ni wu ne á se̱ katser kafe izen izen.

aRom 5:20

Ike̱ng i tá sak a ta nye Itsi se nong rine̱n tà wuruk kanang. Amma nizen iya ne rine̱n tin barang, ne ritek Adakunom nibarang dide̱ng,

aRom 3:5

Ke amaan kunye yir tonong kanang ye Adakunom nye gye̱r, ne i fe̱ yir ane̱ e̱? Ta fe̱ yir ye Adakunom nye gye̱r baꞌ, a tin tonong yir riye̱ kubeseng wu a? (Mi ma fe̱ kuri rife̱ rinerawe tsek.)

aRom 5:7

I ta ro̱ aner akak tana ku kamok áner aya a ta se gye̱r, amma kashim akak ta kyem a ku kamok áner aya a ta tonong kuse kutek.

aRom 8:32

Wu afe a tin roon yir Igon wu baꞌ, amma a sok a tá no̱o̱k kamok yir cice̱r. Aser, wu Adakunom afe a tá tsang a ni no̱o̱k yir Igon wu ta won dar a ni no̱o̱k yir ribir ike̱re̱ wu cice̱r washak aꞌa.

aRom 8:39

ka kuso̱p'e ka kutsik'e ka koakye kuri ike̱ng Adakunom ta nye, ike̱ng ikak kuse i tana kyem i tin kam yir be kushim afe Adakunom tin shim yir kaye̱e̱r aYeso Kiristi Agwo̱m Ágwo̱m yir baꞌ.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

Ibrani 8:3

A sak koangan agbang atsi ni itomong nong a ta shosh asidaka ike̱re̱ be ife ikewum. Iyong ne i sak i ta se gye̱r ayu gip a ta tse̱r ike̱ng ikak a ta no̱o̱k.