aRom 5:5 - Izere New Testament

⁵ Kute riye̱'me tin sak yir ta no̱ yir nisum baꞌ, kamok Adakunom sak Kabik Kazhe̱l'e tin no̱o̱k yir kushim wu whe̱re̱ kaye̱e̱r aye̱ yir.

aRom 5:5 Referans Kwoze

aGalati 4:6

Kamok yin ta nye yin inoon wu, yong Adakunom tom Kabik Igon wu kaye̱e̱r aye̱ yir, Kabik'e ta kuto̱ ye “Abba, Ada.”

aFilipi 1:20

Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

2 aTimoti 1:12

Ike̱ng i ta sak mi ta sen so̱ risam kuri riyuna'ong. Gip be anong mi fok isum baꞌ, kamok mi ren kuri aner aya mi tin no̱o̱k katsak ni wu ne i bun i ren tse̱ng tse̱ng ye a be kukyem kufe a tanin sak riye̱ nike̱ng iya a tin won amana'me ma Katuk'ong.

2 aKoranti 1:22

a min tse̱k yir izizo̱ wu, ne a bun a ti no̱o̱k yir kabik wu kaye̱e̱r aye̱ yir ye nong yir ta te yir afu, nong tin no̱o̱k yir katsak natoon ike̱ng i tana be̱.

1 aYohana 4:19

Yir shim yir Adakunom kamok wu ne a san ku ni shim yir.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.

Afisa 4:30

Sang tu beseng yin Kabik Adakunom Kazhe̱l'e riye̱ baꞌ, kamok be wu ne a ta te mo yin izizo̱ nong ta sor yin afu ma katuk a tana shesh ánerawe.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

Itomong Ámanzo 2:17

“ ‘Adakunom fe̱ ye, kaye̱e̱r inom igang'e, mi tà shining ánerawe cice̱r be Kabik Kazhe̱l'e. Inoon yin atek be ányining tà nye kuzarap, Adakunom tà tonong ácam be nanamang katsak wu. Ásho̱n tà ren katsak Adakunom kaye̱e̱r nabos ba.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

aRom 8:28

Yir ren yir kaye̱e̱r koakye, Adakunom nye gye̱r kamok áya a tu ku shim áya a ta ma ka yis ba kaye̱e̱r kanye̱k wu.

1 aKoranti 8:3

Amma aner aya a ta shim Adakunom, Adakunom ren aner ayong.

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

Itomong Ámanzo 10:45

Áner aYahuda áya a tá nye áfikuus áya a tá be̱ mak be aBitrus te zhing nizen á tá di Kabik Kazhe̱l'e ti tiik natoon áner aya sang á nye áner aYahuda baꞌ, gip.

aRom 1:7

Mi ta zibir yin'e cice̱r yin aya ita se yin na aRom, yin áya Adakunom ta shim, a tá ka yis yin nong tà te yin ázhe̱l'e. Ritek be kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

aRom 9:33

Kyo̱ndi i ta se ni izibir rife̱ Adakunom ye, “Di yin mi n sak kuta kukak na aSihiyona ku tana sak ánerawe tanin tu atak, ne ku sak ánerawe tà kpas, amma aner aya ne a ti no̱o̱k katsak ni wu a tà fok isum baꞌ.”

2 aKoranti 13:14

Ritek Agwo̱m Ágwo̱m yir aYeso Kiristi ne kushim Adakunom be kunyim rice Kabik Kazhe̱l'e se mak be yin cice̱r.

1 aTasalonika 4:8

Kamok anong ke aner aya ne a gaar rife̱ na, sang a gaar anerawe baꞌ, amma a gaar Adakunom, aya a ta ka no̱o̱k yin Kabik wu Kazhe̱l'e.