aRom 5:3 - Izere New Testament

³ Sang anong tsek baꞌ, yir bun i nye yir riye̱ rikan kaye̱e̱r risam yir kamok yir ren yir ye risam be̱e̱n kutsesek.

aRom 5:3 Referans Kwoze

aYakub 1:12

Aner awe̱ng nye aner aya a tana tsesek kaye̱e̱r kubo̱mo̱ng, kamok ke a na ka tsesek kaye̱e̱r kubo̱mo̱ng'e, a ta se ribong kutser riya Adakunom ta tsang a nisak natoon áfe a tu ku shim.

1 aBitrus 3:14

Amma ko yin fa so̱ yin risam kamok kunye kutek, yin ta se̱ yin ritek Adakunom. Kamok anong, sang tu fok yin inyim áya a tana ka no̱o̱k yin risam baꞌ, sang tu te yin febek baꞌ.

2 aKoranti 4:17

Naban kudaam yir ta se̱s yir ta sok izen baꞌ, na ta sak yir ta se̱ yir kuyiik kufe izen izen rife ri ta nar agap a tanin maas be kudaam'e cei.

aLuka 21:19

Nyeseng yin be agap, yin tà se̱ yin kashesh.”

Afisa 3:13

Kamok anong, mi ta nye yin akusuk ye, sang tu ku bun yin kama kamok yin ta di yin kuri risam mi ta so̱ kamok yin baꞌ. Katsak'e, risam'me ta ka be̱e̱n yin kuyiik.

Itomong Ámanzo 5:41

Ámanzo dorok azong be riye̱ rikan kamok a tá di ba kyem a ta ka no̱o̱k ba risam kamok riyerek aYeso.

aFilipi 1:29

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip,

aRom 5:11

Awan anong tsek baꞌ, aye̱ yir kare̱p kamok ike̱ng Adakunom tá nye be Agwo̱m Ágwo̱m yir aYeso Kiristi aya kamok wu ne kyo̱o̱rna yir ti nye yir igaas.

aRom 8:23

Sang ike̱re̱'me tsek baꞌ, amma yir gip, yir aya a tin no̱o̱k yir kunang Kabik Kazhe̱l'e kaya a tin no̱o̱k yir kum ni ime̱se̱ng'e, i rus yir kaye̱e̱r aye̱ yir ne i tor yir be ifeng nong Adakunom tin sok yir i ta te yir inoon wu ne a shesh iro̱m yir.

aRom 9:10

Sang anong tsek baꞌ, inoon aRifkatu se atek azining, wu ne a nye Ishaku a ta nye atukop yir.

2 aKoranti 8:19

Sang anong tsek baꞌ, wu ne áfikuus cice̱r tu ku kasa nong a ta tseng mak be yir nizen yir ta sen tseng yir be ike̱re̱ i ta tusung yir nong tin tiyiik yir Agwo̱m Ágwo̱m ne i tonong yir kuri ifeng kutobok yir ta be yir.