aRom 5:21 - Izere New Testament

²¹ nong ase̱, kyo̱ndi rine̱n ta nye rigwo̱m wu be riku, anong ne ritek Adakunom ta nye rigwo̱m wu kyo̱o̱rna be kuse gye̱r nasho̱o̱n Adakunom. Anong ne ri ta tseng be yir kaye̱e̱r kutser kufe izen izen kamok aYeso Kiristi Agwo̱m Ágwo̱m yir.

aRom 5:21 Referans Kwoze

aTitus 2:11

Kamok Adakunom tonong ritek wu nong ánerawe cice̱r ta se̱ kashesh.

aRom 5:14

Gip ne anong, riku ti nye rigwo̱m natoon ánerawe kum nizen Adamu ma nizen aMusa, gip be áner aya sang rine̱n ba tá nye kushorop ike̱ng iya Adakunom tá fe̱ kyo̱ndi Adamu tá nye baꞌ. Adamu se kyo̱ndi aner ayong a tana be̱.

aRom 8:10

Amma ke aKiristi sor kaye̱e̱r yin, yin ta kus yin kamok rine̱n, amma kabik yin nye katser kamok yin se yin gye̱r nasho̱o̱n Adakunom.

aRom 6:23

Kamok ishorong rine̱n nye riku, amma kunang Adakunom nye kutser kufe izen izen kaye̱e̱r aYeso Kiristi Agwo̱m Ágwo̱m yir.

aRom 6:14

Rine̱n tin nye rigwo̱m natoon yin baꞌ, kamok sang Itsi ne ti nye rigwo̱m natoon yin baꞌ, amma ritek Adakunom.

aRom 5:12

Kamok anong kyo̱ndi rine̱n tá no̱ nazatse kamok Adamu, rine̱n'e ne ri be̱e̱n be riku. Anong ne riku se natoon koangan, kamok koangan nye rine̱n.

aRom 5:17

Rine̱n aner azining sak riku ti nye rigwo̱m natoon koangan. Amma áya a ta shan agbang ritek ne kunang kuse gye̱r nasho̱o̱n Adakunom tà nye rigwo̱m kaye̱e̱r kusor kufas kamok aner azining'ong aYeso Kiristi.

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

aRom 6:16

Yin ren yin ye, ke yin no̱o̱k yin rice yin i ta te yin ásam aner akak, to̱, yin sor yin ásam aner ayong, ta kuus yin rife̱ wu aꞌa? Ka tu sor yin ásam rine̱n, ri tana sak ánerawe ta ku, ka tu kuus yin rife̱ Adakunom ri tana sak ta te yin gye̱r nasho̱o̱n wu.

1 aYohana 2:25

Ke yin nye yin anong, yin tà se̱ yin kutser kufe izen izen kuya aYeso tá tsang a no̱o̱k kuto̱ ye wu tin no̱o̱k yir.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

Ibrani 4:16

Won yir tu be̱ yir nasho̱o̱n itsik ritek Adakunom'me be riye̱ rizining, nong ase̱ ta se̱ yir kuro̱ riye̱ be ritek nizen iya i ta se yir kaye̱e̱r kutse̱r.

aRom 4:13

Adakunom no̱o̱k kuto̱ be Ibrahim ne kuri wu ye ba ne a ta ya kutse kazatse na sang kamok Ibrahim ta kuus Itsi baꞌ, amma kamok ku te gye̱r kuya a ta se̱ kamok kuno̱o̱k katsak.

aYohana 10:28

Mi tu no̱o̱k ba kutser kufe izen izen, ba tà kus baꞌ sam. Aner akak tà kyem a tin shan nubo̱k'i baꞌ.

aRom 6:12

Kamok anong, tu won yin rine̱n tin nye rigwo̱m natoon kuro̱m yin nong ta kuus yin amaan ike̱ng iya wu tà shim baꞌ.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.