aRom 5:2 - Izere New Testament

² Natoon wu ne yir ti se̱ yir iren kuno̱ kaye̱e̱r ritek na yir tin sor yir kaye̱e̱r'e kamok kuno̱o̱k katsak yir. Aye̱ yir kare̱p i ta min te yir riye̱ natoon kuyiik Adakunom.

aRom 5:2 Referans Kwoze

Afisa 2:18

Kamok wu ne yir ti se̱ yir iren ku be nufe Ada, iren izining, iya ita se kaye̱e̱r Kabik.

Afisa 3:12

Kamok i ta se yir mak be wu ne kuno̱o̱k katsak yir natoon wu, yir ta kyem i tseng yir nasho̱o̱n Adakunom ne̱k be riye̱ rizining.

1 aKoranti 15:1

Kyo̱o̱rna ároneng, mi shim ta ka yiring yin itak Rife̱ Ritek riya yin tá shan yin, ne i ni nyeseng yin.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

aYohana 10:9

Mi ne i nye kanukutu'me, aner aya a gor nunaan a tà se̱ kashesh. A tà no̱ kaye̱e̱r'e ne a bun a wuruk, a ta se̱ karo̱ kufek katek.

2 aKoranti 4:17

Naban kudaam yir ta se̱s yir ta sok izen baꞌ, na ta sak yir ta se̱ yir kuyiik kufe izen izen rife ri ta nar agap a tanin maas be kudaam'e cei.

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

Ike̱ng a ta tonong aYohana 21:23

Agbang kuwo̱p'e tse̱r akanang kunom ka kufe̱n baꞌ, kamok kuyiik Adakunom ne kunye akanang'e ne Aturuk'e ne a nye apitila'me

Ike̱ng a ta tonong aYohana 21:3

Ne mi fok kuto̱ kukak tá wuruk be agap naro̱ itsik rigwo̱m ame ye, “Di yin, Karo̱ kusor Adakunom n tiik kaben mak be ánerawe, ka tà sor mak be ba. Ba tà te ánerawe wu ne Adakunom be rice wu se mak be ba ne a bun a sor Adakunom ba.

aRom 5:5

Kute riye̱'me tin sak yir ta no̱ yir nisum baꞌ, kamok Adakunom sak Kabik Kazhe̱l'e tin no̱o̱k yir kushim wu whe̱re̱ kaye̱e̱r aye̱ yir.

aRom 3:23

Kamok koangan nye rine̱n, a ti raar nuyiik Adakunom.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aYohana 10:7

Kamok anong, aYeso bun a fe̱ be ba gbak ye, “Katsak'e ne mi ta ka tak yin, mi ne i nye kanukutu itsamang'e.

Ike̱ng a ta tonong aYohana 21:11

Kuwo̱p'e gye̱se̱m be kuyiik Adakunom, kugye̱se̱m'me se kyo̱ndi kufe iwe̱re̱ng ikak a ta yis ye aZhaspa. Kuwo̱p'e se kanang kyo̱ndi agilas.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

aRom 8:24

Kamok kuni te riye̱'ong ne a ti shesh yir, amma ke yir n di yir ike̱ng yir ta min te yir riye̱'me, to̱, iyong ba nye ku ni te riye̱ baba baꞌ. Angan ti te riye̱ nike̱ng iya wu tan se̱ e̱?

aRom 8:1

Kamok anong, amok bu kuse natoon áya a ta se kaye̱e̱r aYeso Kiristi baꞌ.

Itomong Ámanzo 14:27

Á tá fa se no̱ na Antakiya'me ne á tusung áfikuus á ta ka taas ba ike̱re̱ iya Adakunom tan nye nubo̱k ba. Á tá taas ba kuri iren iya Adakunom tá karak nong ase̱ áner aya a tá nye áner aYahuda baꞌ tin no̱o̱k katsak.

aMatiyu 25:21

“Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’

Afisa 6:13

Kamok anong, te yin ares itsom kuri áfe Adakunom cei nong ase̱ ta kyem i nyeseng yin katuk amaan kunom'ong, nong ke yin gang yin koakye ne a ka se̱ yin nunyeseng kpa.

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

aRom 14:4

Wan nye angan tana to̱ asam akak amok e̱? Asam'me tu nye itomong itek, ka a tu won dar a nye, iyong nye itomong atekasa wu. A tà nye itomong itek kamok Agwo̱m Ágwo̱m tu ku se̱ mo a ta nye itomong'e.

aRom 11:20

Katsak'e yong. Amma a tu turung ba kamok kuwon dar kuno̱o̱k katsak ba, yin se yin azong kamok kuno̱o̱k katsak yin. Tin ya yin kuka baꞌ, amma nye yin tatan.