aRom 5:18 - Izere New Testament

¹⁸ Kamok anong, kyo̱ndi rine̱n aner azining tá sak koangan ta ku, anong ne ike̱ng itek izining iya aner azining tá nye i ta sak koangan te gye̱r nasho̱o̱n Adakunom ne i ta be̱e̱n ánerawe kutser kufas.

aRom 5:18 Referans Kwoze

1 aKoranti 15:22

Kamok kyo̱ndi koangan tà ku kamok i ta wuruk yir kaye̱e̱r Adamu, anong ne a tà dorok koangan kaye̱e̱r aKiristi.

aRom 5:12

Kamok anong kyo̱ndi rine̱n tá no̱ nazatse kamok Adamu, rine̱n'e ne ri be̱e̱n be riku. Anong ne riku se natoon koangan, kamok koangan nye rine̱n.

aRom 5:15

Amma kunang Adakunom tá no̱o̱k warak se kyo̱ndi rine̱n Adamu tá nye baꞌ. Ánerawe whe̱re̱ tá kus kamok rine̱n aner azining'ong, a tá nye Adamu. Amma ritek Adakunom nar ma ánerawe whe̱re̱ se̱ kunang wu a tá nye kamok ritek aner azining na, a ta nye aYeso Kiristi.

aRom 5:19

Kyo̱ndi kushonong aner azining tá sak ánerawe whe̱re̱ ta te áfe rine̱n, anong ne aner whe̱re̱ ta se̱ kute gye̱r nasho̱o̱n Adakunom kamok kuwon dar kushonong aner azining.

Itomong Ámanzo 13:39

Mi shim ke yin ren yin ye kamok wu ne koangan azining afe a tin no̱o̱k katsak ni wu ta se̱ kashesh kaya Itsi aMusa ta kyem i no̱o̱k baꞌ.

Ibrani 2:9

Amma ike̱ng iya yir ta ye̱re̱k yir nye aYeso, aya a ta tsang a ni raar na ámaleka, amma kyo̱o̱rna a tu ku no̱o̱k kuyiik be rigwo̱m kamok a so̱ risam riku nong se ritek Adakunom ta fok risam riku kamok koangan.

aRom 4:25

Kamok rine̱n yir ne a sok aYeso a no̱o̱k nong a tá ku, a tu ku dorok be kutser nong a tin sak yir ta te yir gye̱r nasho̱o̱n wu.

aYohana 1:7

A be̱ nong a tá be̱ taas katsak natoon akanang'e, nong ase̱ kamok wu ne ánerawe cice̱r tin no̱o̱k katsak.

aYohana 12:32

Amma mi, izen iya a ti sok naza, mi tà ko̱ro̱k ánerawe cei nunaan.”

1 aYohana 2:20

Amma yin, yin se̱ yin Kabik Kazhe̱l'e kamok Adakunom tá ka kasa yin. Kamok anong cice̱r yin, yin ren yin ike̱re̱ i ta nye katsak.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aYohana 3:26

Ayong álimazhiri'me tseng nufe aYohana, a tá fe̱ be wu ye, “Aner Kubo̱so̱p, aner aya yin tá se yin mak be wu nunyi isho̱ng aUrdun, aya wan tá fe̱ itak natoon wu ame, di aya a sen nye abatisma, ma koangan n tseng nufu.”

aRom 3:25

Adakunom no̱o̱k aYeso nong a tá sor asidaka kure̱ng rine̱n yir. A re̱ng ánerawe rine̱n ba kamok kuno̱o̱k katsak ba natoon kunyosong naso̱k wu. Adakunom nye anong, nong a tá tonong katsak be kuse kutek wu, kamok gbugbang, Adakunom kaye̱e̱r kuwhiwhe̱ wu a ye̱re̱k rine̱n anerawe wha.

aRom 6:14

Rine̱n tin nye rigwo̱m natoon yin baꞌ, kamok sang Itsi ne ti nye rigwo̱m natoon yin baꞌ, amma ritek Adakunom.