aRom 5:14 - Izere New Testament

¹⁴ Gip ne anong, riku ti nye rigwo̱m natoon ánerawe kum nizen Adamu ma nizen aMusa, gip be áner aya sang rine̱n ba tá nye kushorop ike̱ng iya Adakunom tá fe̱ kyo̱ndi Adamu tá nye baꞌ. Adamu se kyo̱ndi aner ayong a tana be̱.

aRom 5:14 Referans Kwoze

1 aKoranti 15:45

Kufumung rife̱ Adakunom fe̱ ye, “Adakunom nye Adamu afe ime̱se̱ng'e be kutser.” Adamu afe igang'e nye kabik kafe ka ta nyesek kutser.

Ibrani 9:27

Kyo̱ndi a tan sak,

aRom 5:17

Rine̱n aner azining sak riku ti nye rigwo̱m natoon koangan. Amma áya a ta shan agbang ritek ne kunang kuse gye̱r nasho̱o̱n Adakunom tà nye rigwo̱m kaye̱e̱r kusor kufas kamok aner azining'ong aYeso Kiristi.

aRom 8:22

Yir ren yir ye ike̱re̱'me cice̱r Adakunom ta nye'me ru rus kyo̱ndi aner abining tá rus nizen kutes ma kyo̱o̱rna.

aRom 5:21

nong ase̱, kyo̱ndi rine̱n ta nye rigwo̱m wu be riku, anong ne ritek Adakunom ta nye rigwo̱m wu kyo̱o̱rna be kuse gye̱r nasho̱o̱n Adakunom. Anong ne ri ta tseng be yir kaye̱e̱r kutser kufe izen izen kamok aYeso Kiristi Agwo̱m Ágwo̱m yir.

aRom 8:20

Ike̱re̱ Adakunom tá nye, shining ike̱ng i ta sak a tá ka nye ba baꞌ, sang i se ye kamok ike̱re̱'me ta shim anong baꞌ, amma kamok Adakunom shim anong. A nye anong ne a ni te riye̱,

aRom 5:12

Kamok anong kyo̱ndi rine̱n tá no̱ nazatse kamok Adamu, rine̱n'e ne ri be̱e̱n be riku. Anong ne riku se natoon koangan, kamok koangan nye rine̱n.

1 aKoranti 15:22

Kamok kyo̱ndi koangan tà ku kamok i ta wuruk yir kaye̱e̱r Adamu, anong ne a tà dorok koangan kaye̱e̱r aKiristi.