aRom 5:10 - Izere New Testament

¹⁰ To̱, i ta se ye yir tsang i nye yir ámudo̱n Adakunom, amma a ti nye yir igaas be riku igon wu, shita kyo̱o̱rna baꞌ a ta min sak yir i ta te yir áferime̱ wu, a tin shesh yir kamok igon wu ta be kutser.

aRom 5:10 Referans Kwoze

aRom 8:32

Wu afe a tin roon yir Igon wu baꞌ, amma a sok a tá no̱o̱k kamok yir cice̱r. Aser, wu Adakunom afe a tá tsang a ni no̱o̱k yir Igon wu ta won dar a ni no̱o̱k yir ribir ike̱re̱ wu cice̱r washak aꞌa.

Afisa 2:16

Kyo̱ndi kuro̱m kuzining a tu bun be ba cice̱r afa'ong nufe Adakunom. A nye anong be riku wu natoon kukon nong a tà tun rifub ri ta se natite ba.

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aRom 8:34

Angan ne a ta kyem a ta te̱n anerawe amok e̱? aYeso Kiristi, aya a tá ku, sang a ku tsek baꞌ, a tú ku dorok nure̱k be kutser, aya a ta se nubo̱k riya Adakunom ne a nye izong kamok yir.

aRom 8:7

Kamok koangan afe rine̱n tin nye rigwo̱m natoon wu te amudo̱n Adakunom'ong, kamok a kuus Itsi Adakunom ta fe̱ baꞌ, a ta kyem a nye baꞌ.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

aRom 11:28

Áner Isarela te ámudo̱n Adakunom ku raba Rife̱ Ritek ba ta nye, i se anong kamok yin. Amma kamok a tú ku kasa ba, ba nye áner Adakunom ta shim kamok átukop ba,

aRom 5:11

Awan anong tsek baꞌ, aye̱ yir kare̱p kamok ike̱ng Adakunom tá nye be Agwo̱m Ágwo̱m yir aYeso Kiristi aya kamok wu ne kyo̱o̱rna yir ti nye yir igaas.

aYohana 14:19

A tú ku won izen cie̱k, kazatse tà bin di baꞌ, amma yin tin di yin. Kamok mi be kutser, yin gip yin tà sor yin be kutser.

aYohana 6:57

Kyo̱ndi Ada afe kutser tin tom ne mi sor be kutser kamok Ada'me, anong ne aner aya afe a tin sok i ta te naya wu tà sor be kutser kamok'i.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

aYohana 5:26

Kyo̱ndi Ada'me ta nye iren kutser, anong ne a sak Igon wu ta sor iren kutser.

aRom 5:6

Kamok nizen'e dim, kum ne yir ta kyem i naka tobok yir baꞌ, aKiristi ku kamok yir, yir afe i ta rayir Adakunom.

2 aKoranti 5:20

Kamok anong, yir nye yir áner á ta se rice aKiristi. Yir ta nye yin izong kaye̱e̱r riyerek aKiristi kyo̱ndi Adakunom be rice wu ne a sen fe̱ be yin ye, i ra te yin áferime̱ Adakunom.

Afisa 2:3

Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.

1 aYohana 2:1

Inoon'i, yin aya mi ta shim, mi tá zibir yin ike̱re̱ na fan yin bu nye yin rine̱n. Amma ke akak yin bun a nye rine̱n, Adakunom tu ku re̱ng'e kamok yir be yir akak a tana nyeseng rice yir nasho̱o̱n Adakunom a ta nye Ada'me. Wu ne a nye aYeso Kiristi aya a ta se zhe̱l nasho̱o̱n Adakunom.

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.