aRom 4:6 - Izere New Testament

⁶ Iyuna ne i nye ike̱ng aDauda tin fe̱ natoon'e, nizen iya a tá fe̱ natoon aner riye̱ rikan aya Adakunom tú ku sok kyo̱ndi a se gye̱r nasho̱o̱n wu, sang kamok itomong aner'e tá nye baꞌ.

aRom 4:6 Referans Kwoze

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aFilipi 3:9

ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

Afisa 1:3

Nakerek nye nafe Adakunom ne a bun a nye Ada Agwo̱m Ágwo̱m yir aYeso Kiristi, aya a tin no̱o̱k yir ritek kaye̱e̱r rigwo̱m wu kaye̱e̱r kaza ne a bun a tin no̱o̱k yir koakye kuri ritek kufe kabik.

aGalati 3:14

aKiristi ti shesh yir nong áner áfe a ta nye áner aYahuda baꞌ ta se̱ ritek a ta no̱o̱k Ibrahim kamok aYeso Kiristi. Be kuno̱o̱k katsak yir, yir ta se̱ yir Kabik Kazhe̱l'e Adakunom ta tsang a no̱o̱k kuto̱ ye wu tin no̱o̱k yir.

aRom 4:11

Amma a tú ku nye izhak'e nong i tà sor ike̱ng iya i tana tonong ye wu se gye̱r nasho̱o̱n Adakunom. A te gye̱r nasho̱o̱n Adakunom kamok kuno̱o̱k katsak wu nizham a tá ra ku nye izhak. Kamok anong Ibrahim te Ada koangan afe a tin no̱o̱k katsak na Adakunom, amma a ta ma ku nye izhak'e baꞌ, nong ase̱ Adakunom ta sak ba ta te gye̱r nasho̱o̱n wu gip.

aRom 1:17

Kamok kaye̱e̱r'e ne a ti tonong iren ku te gye̱r nasho̱o̱n Adakunom, ku te gye̱r'e nye kuno̱o̱k katsak ni ime̱se̱ng'e ma nigang'e. Kyo̱ndi i ta se ni zibir ye, “Aner aya a ta se gye̱r nasho̱o̱n Adakunom ta sor kaye̱e̱r kuno̱o̱k katsak.”

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aGalati 4:15

Yin se yin kaye̱e̱r riye̱ rikan, yong akye̱ ta se̱ yin e̱? Mi ta kyem i taas ye ke a fa fe̱ ye yin ta kyem i turung yin ányisi yin tin no̱o̱k yin, ke yin nye yin anong.

aRom 4:24

amma a zibir kamok yir, yir gip, yir áya Adakunom ta min sak yir i ta te yir gye̱r nasho̱o̱n wu, yir áya i ti no̱o̱k yir katsak ni wu aya a tá dorok aYeso Agwo̱m Ágwo̱m yir nure̱k.

aRom 4:9

Riye̱ rikan na nye rife áner aya a tú ku nye ba izhak tsek, ka mak be áya a tá ku nye ba izhak'e baꞌ e̱? Ei, ike̱ng yir ta sen nife̱ yir se ye, “Kuno̱o̱k katsak Ibrahim ne ku sak Adakunom tú ku sok kyo̱ndi aner a ta se gye̱r nasho̱o̱n wu.”

aRom 3:27

Iyong yir tin tsor yir kafok be akye̱ e̱? Ike̱ng ikak kuse baꞌ. Ka i tin tsor yir kafok kamok yir tá kuus yir itsi a? Wayo, yir ta tsor yir kafok baꞌ kamok ike̱ng aYeso tá nye.

aMatiyu 25:19

“A tá fa sor cie̱k ne atekasa ba ame be̱ nong a ta fa ike̱ng ba tin nye be itso̱m a tú ku no̱o̱k ba ame.

aRom 4:5

To̱, aner aya ne a ti fereng ni itomong wu baꞌ, amma a ti fereng na Adakunom, aya afe a ta sak amaan aner ta te gye̱r nasho̱o̱n wu, kuno̱o̱k katsak kuri kuyong tà sak a tù ku sok kyo̱ndi aner a ta se gye̱r nasho̱o̱n Adakunom.

aRom 4:7

A fe̱ ye, “Áner riye̱ rikan ne á nye áner aya a tú ku re̱ng ba rine̱n ba, áya a tú ku kusu ba rine̱n ba.

aYakub 2:18

Amma akak ta fe̱ ye, “Wan be kuno̱o̱k katsak; mi be kunye itomong.” Ni tonong kuno̱o̱k wan dar kunye itomong, nong mi ta ka tonong kuno̱o̱k katsak'i be itomong'a mi ta nye.