aRom 4:5 - Izere New Testament

⁵ To̱, aner aya ne a ti fereng ni itomong wu baꞌ, amma a ti fereng na Adakunom, aya afe a ta sak amaan aner ta te gye̱r nasho̱o̱n wu, kuno̱o̱k katsak kuri kuyong tà sak a tù ku sok kyo̱ndi aner a ta se gye̱r nasho̱o̱n Adakunom.

aRom 4:5 Referans Kwoze

aFilipi 3:9

ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.

aRom 3:22

Adakunom sak koangan aya a tin no̱o̱k katsak na aYeso Kiristi ta te gye̱r nasho̱o̱n wu. Sang a ti kasa baꞌ.

aRom 10:3

Kum ba ta dun iren i tana sak anerawe tana te gye̱r nasho̱o̱n Adakunom, a tse̱r iren ifuba iya ba ta di ye i ta kyem i ka sak ba a ta te gye̱r nasho̱o̱n Adakunom, iyong ne i sak ba ta gaar iren i tana sak ánerawe ta te gye̱r nasho̱o̱n Adakunom.

aRom 4:24

amma a zibir kamok yir, yir gip, yir áya Adakunom ta min sak yir i ta te yir gye̱r nasho̱o̱n wu, yir áya i ti no̱o̱k yir katsak ni wu aya a tá dorok aYeso Agwo̱m Ágwo̱m yir nure̱k.

aRom 4:3

Izibir rife̱ Adakunom tonong ye, “Ibrahim ti no̱o̱k katsak na Adakunom, ne Adakunom tú ku sok kyo̱ndi aner a ta se gye̱r nasho̱o̱n wu.”

aYohana 6:29

Ne aYeso fe̱ be ba ye, “Ike̱ng ife Adakunom ta shim yin ta nye yin nye: Ni no̱o̱k yin katsak naya afe wu tá tom.”

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aMarkus 9:23

Ayong aYeso tú ku rip ye, “Wan di ane̱, wan ta fe̱ ye, ‘Ke wan ta kyem e̱?’ Koakye ike̱ng nye ife kunye nufe aner aya a ta no̱o̱k katsak.”

aRom 4:6

Iyuna ne i nye ike̱ng aDauda tin fe̱ natoon'e, nizen iya a tá fe̱ natoon aner riye̱ rikan aya Adakunom tú ku sok kyo̱ndi a se gye̱r nasho̱o̱n wu, sang kamok itomong aner'e tá nye baꞌ.