aRom 4:17 - Izere New Testament

¹⁷ Kyo̱ndi i ta se kaye̱e̱r izibir rife̱ Adakunom ye, “Mi ta ka sak nong wan ta sor ada ánerawe whe̱re̱.” Adakunom afe wu tin no̱o̱k katsak tú ku sok a tá sor ada yir. Wu ne a nyesek áya a tá kus kutser, rife̱ wu ne ri sak a nye ike̱re̱ i ta tsang i kuse baꞌ.

aRom 4:17 Referans Kwoze

1 aKoranti 1:28

Adakunom kasa ike̱re̱ iya kazatse na ta di ye i nye ike̱ng ikak baꞌ, be ike̱re̱ kazatse ta zhe̱e̱sh, nong a ta teen be ike̱ng kazatse ta di ye i kyem ike̱ng,

aYohana 5:21

Kyo̱ndi Ada'me ta dorok áya a tan kus ne a ka no̱o̱k ba kutser, anong ne Igon'e nyesek aya riye̱ wu ta shim kutser.

1 aBitrus 2:10

Gbugbang yin tsang i nye yin ánerawe Adakunom baꞌ, amma kyo̱o̱rna yin nye yin ánerawe Adakunom. Gbugbang yin tsang i se̱ yin kuro̱ riye̱ Adakunom baꞌ, amma kyo̱o̱rna yin n se̱ yin.

aYohana 6:63

Kabik ne ka nyesek kutser, kuro̱m ti barang ike̱ng ikak baꞌ. Rife̱ mi tá fe̱ be yin nye rife̱ kabik ne kutser.

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aYohana 5:25

Katsak'e, mi ta ka tak yin, izen saase, n nye gip ma iya áya a tan kus tana fok kuto̱ Igon Adakunom, áya a tana fok ta se̱ kutser.

Ibrani 11:12

A san'e be aner azining tsek, afe a ta se kyo̱ndi aner aya a tan ku, kyo̱o̱rna an te ánerawe whe̱re̱ kyo̱ndi adar a ta se naza ka rize̱k kanu agbang isho̱ng ayi.

aRom 3:29

Ka Adakunom nye Adakunom áner aYahuda tsek a? Aser, a nye Adakunom áfe áya sang á ta nye áner aYahuda baꞌ gip aꞌa? Ei, a nye áfe aya sang a ta nye áner aYahuda baꞌ gip,

2 aBitrus 3:8

Ároneng ike̱ng ikak kuse izining mi ta shim yin tú tiburum yin'e baꞌ ye, kunom kuzining se kyo̱ndi aye̱ izungu izining nufe Agwo̱m Ágwo̱m ne aye̱ izungu izining se kyo̱ndi kunom kuzining.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

1 aTimoti 6:13

Nasho̱o̱n Adakunom afe a ta no̱o̱k koakye ike̱ng kutser ne aYeso Kiristi aya a ta fe̱ katsak natoon rice wu nasho̱o̱n aBuntus Bilatus, a tá fe̱ atuk katsak. Mi ta nye akusuk ye,

aRom 9:26

“Dim naro̱ a ta fe̱ ye, ‘Yin nye yin ánerawe mi baꞌ,’ Naro̱ kayong ne a ta fe̱ be ba ye, ‘Inoon Adakunom afe kutser.’ ”

1 aKoranti 15:45

Kufumung rife̱ Adakunom fe̱ ye, “Adakunom nye Adamu afe ime̱se̱ng'e be kutser.” Adamu afe igang'e nye kabik kafe ka ta nyesek kutser.

aRom 4:2

Ke a fa fe̱ ye Ibrahim se gye̱r nasho̱o̱n Adakunom kamok kunye wu ke wu be ike̱ng iya a tanin tsor kafok natoon'e, amma sang nasho̱o̱n Adakunom baꞌ.

Itomong Ámanzo 15:18

wu afe a tu ku ren kum gbugbang.

aMatiyu 3:9

Sang yin tu wo̱k yin ace yin be kuto̱ro̱ng ye, ‘Ibrahim nye ada yir’ baꞌ. Won ta ka tak yin, Adakunom ta kyem a sok ata na nong a tin nye Ibrahim inoon.

aRom 4:18

Kute riye̱ Ibrahim te kyo̱ndi kukpe̱de̱ng'e, gip be anong a ya kasho̱o̱n be kute riye̱ ne a ni no̱o̱k katsak. Kamok anong a te ada ánerawe whe̱re̱. Iyu se kyo̱ndi a tá tsang a ku tak ye, “Kuri wan tá te whe̱re̱.”

aRom 9:11

Kum ne an tsang a tes Isuwa be aYakub baꞌ ka kum ne ba tsang an nye ike̱ng ikak itek ka imaan'e baꞌ, Adakunom fe̱ be aRifkatu ye, “Igon kako'me tà nye kawusong'e itomong.” Adakunom fe̱ anong nong a ta tonong ye aner a tana kasa a tu ku kasa kamok kushim Adakunom sang kamok itomong aner'e.

Ibrani 11:3

Natoon kuno̱o̱k katsak ne yir ti ren yir ye a nye kazatse be rife̱ Adakunom. Kamok anong, a nye ike̱re̱ yir tá di yir kaye̱e̱r kazatse na be ike̱re̱ iya sang yir ta di yir be anyisi yir baꞌ.