aRom 4:16 - Izere New Testament

¹⁶ Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

aRom 4:16 Referans Kwoze

Afisa 2:8

Ei, kamok ritek Adakunom ne yin ti se̱ yin kashesh ne kamok kuno̱o̱k katsak yin, sang kamok kunye yin baꞌ, amma Adakunom ne a no̱o̱k,

aGalati 3:22

Amma kufumung rife̱ Adakunom fe̱ ye rine̱n zim ánerawe kazatse na cei, nong ase̱ ike̱ng Adakunom ta tsang a ni no̱o̱k kuto̱, iya i ta be̱ kamok kuno̱o̱k katsak na aYeso Kiristi, iya Adakunom ta no̱o̱k aya a ti no̱o̱k katsak.

aRom 9:8

Iyong ne i sak inoon a ta se̱ nuro̱m ne na nye inoon Adakunom baꞌ, amma naya á tin no̱o̱k kuto̱ natoon'e ne á nye inoon nafe katsak.

aTitus 3:7

A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

Afisa 2:5

iyong sak kun ne yir ru nye yir ikom'e kamok rine̱n yir, ne i sor yir be kutser mak be aKiristi. Kaye̱e̱r ritek wu ne yir ti se̱ yir kashesh.

aRom 15:8

Kamok mi sen ka tak yin ye ike̱ng i ta sak aKiristi tá aner aya a tá nye áner aYahuda itomong, se nong a tá tonong katsak rife̱ Adakunom, nong ase̱ ike̱ng iya Adakunom tá fe̱ ye a tá nye gbugbang be átukop yir, ta shining

aRom 5:1

Kamok anong kum yir tan se̱ yir kute gye̱r nasho̱o̱n Adakunom kamok kuno̱o̱k katsak yir, yir sor yir caang be Adakunom kamok Agwo̱m Ágwo̱m yir, aYeso Kiristi.

2 aBitrus 1:10

Kamok anong ároneng, nye yin koakye ife yin tana kyem i nye yin nong ta tonong yin ye Adakunom ma ka yis yin ne a ka kasa yin. Ke yin nye yin anong yin ta kpa yin baꞌ, ko cie̱k.

aRom 4:11

Amma a tú ku nye izhak'e nong i tà sor ike̱ng iya i tana tonong ye wu se gye̱r nasho̱o̱n Adakunom. A te gye̱r nasho̱o̱n Adakunom kamok kuno̱o̱k katsak wu nizham a tá ra ku nye izhak. Kamok anong Ibrahim te Ada koangan afe a tin no̱o̱k katsak na Adakunom, amma a ta ma ku nye izhak'e baꞌ, nong ase̱ Adakunom ta sak ba ta te gye̱r nasho̱o̱n wu gip.

aLuka 19:9

Ne aYeso fe̱ be wu ye, “Katuur kashesh m be̱ nasa na, kamok aner na gip a nye igon Ibrahim.

aRom 3:22

Adakunom sak koangan aya a tin no̱o̱k katsak na aYeso Kiristi ta te gye̱r nasho̱o̱n wu. Sang a ti kasa baꞌ.

aRom 3:30

kamok Adakunom se azining, a ta sak áya a ta nye izhak ta te gye̱r nasho̱o̱n wu kamok kuno̱o̱k katsak ba, anong ne áya a ta nye izhak baꞌ, ta se̱ kute gye̱r nasho̱o̱n Adakunom kamok kuno̱o̱k katsak ba gip.

aGalati 3:14

aKiristi ti shesh yir nong áner áfe a ta nye áner aYahuda baꞌ ta se̱ ritek a ta no̱o̱k Ibrahim kamok aYeso Kiristi. Be kuno̱o̱k katsak yir, yir ta se̱ yir Kabik Kazhe̱l'e Adakunom ta tsang a no̱o̱k kuto̱ ye wu tin no̱o̱k yir.

aGalati 3:16

Ike̱ng iya Adakunom tá tsang a ni sak'e, a fe̱ be Ibrahim ne igon kakak kaye̱e̱r kuri wu nasho̱o̱n, sang kufumung rife̱ Adakunom fe̱ ye, “Be inoon baꞌ.” Rife̱'me se natoon ánerawe baꞌ amma “natoon igon kakak kaye̱e̱r kuri wan” Rife̱'me se natoon aner azining, a nye aKiristi.