aRom 4:14 - Izere New Testament

¹⁴ Kamok ke i nye ye afe a ta kuus Itsi ne a nye aya a tana ya kutse kazatse to̱, kuno̱o̱k katsak anerawe te kpe̱de̱ng, kuno̱o̱k kuto̱ Adakunom nye ike̱ng ikak baꞌ.

aRom 4:14 Referans Kwoze

aFilipi 3:9

ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.

Ibrani 7:28

Itsi aMusa sak ánerawe á tá raar tá te agbang atsi, amma kushu kufe ku tá be̱ nama itsi sak Igon'e a ta se zhe̱l te atsi ma izen izen.

Ibrani 7:19

Itsi aMusa kyem i ta sak ike̱ng ikak ta te zhe̱l baꞌ, iyong ne i sak yir nye yir kanye̱k ike̱ng itek iya yir tin te yir riye̱ natoon'e nong ta se yir bubarak be Adakunom.

aGalati 2:21

Mi ramin ritek Adakunom baꞌ, kamok ke a nye ye ánerawe ta te zhe̱l kamok ku kuus Itsi, i nye ye riku aKiristi be itomong baꞌ.”

aRom 4:16

Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

aRom 3:31

Kamok anong, yong yir ta won yir Itsi kamok kuno̱o̱k katsak na a? Wayo, ko cie̱k, ta titsik yir ingya.

aGalati 5:4

Yin áfe i ta shim ta sor yin kyo̱ndi azhe̱l'e nasho̱o̱n Adakunom kamok i kuus yin Itsi, tonong ye yin kam yin be aYeso ne ritek Adakunom.

1 aKoranti 1:13

Aser, an kabak aKiristi nagwo̱m agwo̱m a? A tigak aBulus kamok yin a? A tá nye yin abatisma kaye̱e̱r riyerek aBulus a?