aRom 4:11 - Izere New Testament

¹¹ Amma a tú ku nye izhak'e nong i tà sor ike̱ng iya i tana tonong ye wu se gye̱r nasho̱o̱n Adakunom. A te gye̱r nasho̱o̱n Adakunom kamok kuno̱o̱k katsak wu nizham a tá ra ku nye izhak. Kamok anong Ibrahim te Ada koangan afe a tin no̱o̱k katsak na Adakunom, amma a ta ma ku nye izhak'e baꞌ, nong ase̱ Adakunom ta sak ba ta te gye̱r nasho̱o̱n wu gip.

aRom 4:11 Referans Kwoze

aRom 3:22

Adakunom sak koangan aya a tin no̱o̱k katsak na aYeso Kiristi ta te gye̱r nasho̱o̱n wu. Sang a ti kasa baꞌ.

aLuka 19:9

Ne aYeso fe̱ be wu ye, “Katuur kashesh m be̱ nasa na, kamok aner na gip a nye igon Ibrahim.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

2 aKoranti 1:22

a min tse̱k yir izizo̱ wu, ne a bun a ti no̱o̱k yir kabik wu kaye̱e̱r aye̱ yir ye nong yir ta te yir afu, nong tin no̱o̱k yir katsak natoon ike̱ng i tana be̱.

aFilipi 3:9

ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.

Afisa 4:30

Sang tu beseng yin Kabik Adakunom Kazhe̱l'e riye̱ baꞌ, kamok be wu ne a ta te mo yin izizo̱ nong ta sor yin afu ma katuk a tana shesh ánerawe.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

aGalati 6:16

Won kusor kutek be kuro̱ riye̱ Adakunom tu se be afe a ta kuus iren na, ba ne a nye aner Isarela afe Adakunom áfe katsak.

aGalati 5:5

Yir te yir riye̱ ye Adakunom ta sak yir ta te yir azhe̱l'e ike̱ng ife i ta sak yir ta tor yir nye Kabik Adakunom kaya ka ta nye itomong kaye̱e̱r kuno̱o̱k katsak yir.

aGalati 3:29

Ke yin nye yin áfe aKiristi to̱, i nye ye yin nye yin inoon Ibrahim, áfe kuya kutse wu kyo̱ndi Adakunom tá tsang a no̱o̱k kuto̱.

aGalati 3:22

Amma kufumung rife̱ Adakunom fe̱ ye rine̱n zim ánerawe kazatse na cei, nong ase̱ ike̱ng Adakunom ta tsang a ni no̱o̱k kuto̱, iya i ta be̱ kamok kuno̱o̱k katsak na aYeso Kiristi, iya Adakunom ta no̱o̱k aya a ti no̱o̱k katsak.

aGalati 3:7

Kamok anong, ren yin ye áya a ta no̱o̱k katsak nye inoon Ibrahim.

aRom 10:11

Kyo̱ndi izibir rife̱ Adakunom ta fe̱ ye, “Koangan ne a ti no̱o̱k katsak ni wu, a tà fok isum baꞌ.”

aRom 10:6

Amma rife̱ Adakunom natoon kute gye̱r nasho̱o̱n wu kamok kuno̱o̱k katsak fe̱ ye, “Sang tu fe̱ kaye̱e̱r riye̱ wan ye, ‘Angan tà ngarak naza e̱?’ ” (nong ase̱ a ta tiik be aKiristi.)

aRom 10:4

Kamok aKiristi ne a shining ike̱ng iya Itsi ta fe̱ ye a ra nye nong koangan a tin no̱o̱k katsak ni wu ta se gye̱r nasho̱o̱n Adakunom.

aYohana 6:35

Ayong aYeso fe̱ be ba ye, “Mi ne i nye naya naya na ta nyesek kutser. Aner aya a ta be̱ nunaan, a ba tà fok izong baꞌ. Aya a ti no̱o̱k katsak natoon'i, a tà ba fok kuto̱ kukoor baꞌ.

Ike̱ng a ta tonong aYohana 9:4

A fe̱ be kubep'e ye sang a tu beseng agam ka nakon baꞌ, amma igak ánerawe áya a ta be izizo̱ Adakunom nanati ba baꞌ.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aRom 9:30

To̱, iyong ta fe̱ yir ane̱ e̱? Aner aya sang a ta nye áner aYahuda baꞌ, a ti daam be kutse̱r kute gye̱r nasho̱o̱n Adakunom baꞌ, amma a se̱. Kuse̱ kute gye̱r ba nasho̱o̱n Adakunom ba se̱ se kamok kuno̱o̱k katsak ba.

aRom 9:6

Sang i se ye rife̱ Adakunom n kpa baꞌ. Sang koangan aner Isarela ne a nye aner aya Adakunom ta kasa baꞌ.

aRom 3:26

Be anong ne Adakunom tonong nizen na ye wu be rice wu nye aner katsak ne kuse kutek, nong a ta tonong katsak'e ne a sak koangan afe a tin no̱o̱k katsak na aYeso a ta te aner a ta se gye̱r nasho̱o̱n wu.

aYohana 8:33

Ne ba fe̱ be wu ye, “Yir nye yir kuri Ibrahim, yir i kun te yir ásam akak baꞌ. Akye̱ sak wan tá fe̱ ye yir tà sor yir ne̱k e̱?”

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

aMatiyu 8:11

Mi fe̱ be yin ye, ánerawe dide̱ng ta nes nabas kunom tu ku wuruk ne nabas kunom tu ku kpas nong a ta be̱ ya naya riye̱ rikan be Ibrahim ne Ishaku ne aYakub kaye̱e̱r rigwo̱m kaza.

aRom 9:33

Kyo̱ndi i ta se ni izibir rife̱ Adakunom ye, “Di yin mi n sak kuta kukak na aSihiyona ku tana sak ánerawe tanin tu atak, ne ku sak ánerawe tà kpas, amma aner aya ne a ti no̱o̱k katsak ni wu a tà fok isum baꞌ.”

aYohana 3:33

Amma aner aya a ta shan rife̱ wu tonong ye Adakunom nye katsak.

aRom 3:30

kamok Adakunom se azining, a ta sak áya a ta nye izhak ta te gye̱r nasho̱o̱n wu kamok kuno̱o̱k katsak ba, anong ne áya a ta nye izhak baꞌ, ta se̱ kute gye̱r nasho̱o̱n Adakunom kamok kuno̱o̱k katsak ba gip.

aRom 4:10

To̱, nizen inyaka ne a tu sok kyo̱ndi wu se gye̱r nasho̱o̱n Adakunom e̱? Nama á tá mu ku nye izhak ka nizen a ta mu ku nye'me baꞌ e̱? Ei, kum ne a mu ku nye izhak'e baꞌ.