aRom 3:5 - Izere New Testament

⁵ Ke amaan kunye yir tonong kanang ye Adakunom nye gye̱r, ne i fe̱ yir ane̱ e̱? Ta fe̱ yir ye Adakunom nye gye̱r baꞌ, a tin tonong yir riye̱ kubeseng wu a? (Mi ma fe̱ kuri rife̱ rinerawe tsek.)

aRom 3:5 Referans Kwoze

aRom 6:19

Mi fe̱ rife̱ na kuri rife rinerawe kamok kuraar yin kufe ánerawe. Kyo̱ndi yin tá tsang i sok yin abas akak afe kuro̱m yin nong i tin nye yin ike̱re̱ i ta se kye̱re̱ ne amaan kunye, kyo̱o̱rna no̱o̱k yin rice yin kyo̱ndi ásam natoon kunye ike̱re̱ i tana tonong ye yin se yin gye̱r nong ta te yin azhe̱l'e.

aGalati 3:15

Aroneng, mi fe̱ kuri rife̱ rinerawe kyo̱ndi akak ta kyem a te̱e̱k ka ti barang nike̱ng ánerawe ta tsang a sak ye a ta nye baꞌ. Anong ne i se nitak na.

1 aKoranti 9:8

Mi fe̱ anong be kuto̱ro̱ng rinerawe tsek a? Itsi gip i fe̱ anong aꞌa?

aRom 7:7

To̱, iyong yir ta fe̱ yir ane̱ makong e̱? Itsi nye rine̱n a? Ko cie̱k, katsak'e, a fa fe̱ ye Itsi baꞌ, sang ke mi ren ike̱ng iya i ta nye rine̱n baꞌ. Ye kamok Itsi ta fe̱ ye, “Sang tu shishim ike̱ng akak baꞌ,” ke mi ren ike̱ng iya a tá yis ye rishishim baꞌ.

aRom 4:1

Iyong ta fe̱ yir ane̱ natoon Ibrahim afe a tá nye atukop yir e̱? I kuse ane̱ be wu natoon kuno̱o̱k katsak e̱?

aRom 2:5

Amma kamok kushonong wan i ta gaar kushishing kuse wan, wan naka tusung amok Adakunom natoon rice wan ma katuk riye̱ kubeseng Adakunom, nizen iya a tana to̱ kazatse amok kaye̱e̱r katsak.

Ike̱ng a ta tonong aYohana 18:20

Nye yin riye̱ rikan, yin áfe i ta se yin kaye̱e̱r kaza! Nye yin riye̱ rikan ázhe̱l'e be ámanzo ne áfe kuzarap, kamok Adakunom n to̱ aBabila amok natoon ike̱re̱ iya wu tá ka nye yin'e.’ ”

Ike̱ng a ta tonong aYohana 15:3

Á bom abom aMusa asam Adakunom be abom a ta bom Aturuk'e ame ye, “Kunye wan se yiik ne ku nye ike̱ng azhing Adakunom agbang Agwo̱m Ágwo̱m afe kukyem cei. Iren wan nye iren itek be ife katsak. Wan ne i nye agbang Agwo̱m Ágwo̱m afe ánerawe kazatse cice̱r.

1 aKoranti 15:32

Ke mi ko̱n be ámaan ikewum na Afisa be kuto̱ro̱ng rinerawe tsek, akye̱ ne mi tin se̱ e̱? Sang ke i nye áfe a tan kus ta dorok baꞌ, “Won i ta ya ne i so̱ yir, kamok natson ta kus yir.”

aRom 12:19

Aro̱, tu sor yin aner a tu ku karang imaan'e baꞌ, won yin Adakunom'me. Kamok i se ni izibir ye, “Kukarang ike̱ng nye kunaan, mi tù ku karang,” Agwo̱m Ágwo̱m fe̱ anong.

aRom 6:1

Yir ta fe̱ yir ane̱ e̱? Ta ya yir kasho̱o̱n be kunye rine̱n nong ritek Adakunom tin barang a?

aRom 3:19

Yir ren yir ye, koakye ike̱ng iya Itsi ta fe̱, i ti fe̱ natoon áner aya Itsi tin nye itomong natoon ba, fan ákak bu se̱ ike̱ng iya a tana fe̱, ne amok Adakunom se natoon kazatse cice̱r.

aRom 3:7

Ke kudun katsak'i tà sak katsak Adakunom tà wuruk kanang ne i tonong kuyiik Adakunom dide̱ng, to̱, akye̱ sak a tin te̱n amok ye mi nye afe rine̱n e̱?

aRom 5:8

Amma Adakunom tin tonong yir kushim wu dide̱ng anong, kum ne yir ru nye yir áfe rine̱n, aKiristi ku kamok yir.

aRom 8:31

To̱, iyong yir tà fe̱ yir ane̱ natoon ike̱re̱ na e̱? Ke Adakunom se mak be yir, akye̱ ti daam yir ke a ti ra yir e̱?

aRom 9:30

To̱, iyong ta fe̱ yir ane̱ e̱? Aner aya sang a ta nye áner aYahuda baꞌ, a ti daam be kutse̱r kute gye̱r nasho̱o̱n Adakunom baꞌ, amma a se̱. Kuse̱ kute gye̱r ba nasho̱o̱n Adakunom ba se̱ se kamok kuno̱o̱k katsak ba.

2 aKoranti 6:4

Yir ban i nye yir koakye kuri ike̱ng nong ta tonong yir ye, yir nye yir ásam Adakunom. Yir naka tsesek yir dide̱ng kaye̱e̱r risam be kuro̱'me ne ike̱re̱ i tin se̱s yir;

2 aKoranti 7:11

Ye̱re̱k yin ta di yin, ike̱ng iya ife riye̱ riwe kuri rife̱ Adakunom'me ta ka be̱e̱n yin kaye̱e̱r aye̱ yin. Ri ta ka be̱e̱n yin ifeng, be kutonong ye yin se yin gye̱r. Ri ta ka sak yin riye̱ kubeseng ne i bun yin te yin zhing. Ri ta sak yin ti te yin riye̱, ne ri ka be̱e̱n yin kudaam. Ri ta ka sak yin ta sor yin be kanye̱k ye ke a nees áya a tá taam. Be anong ne yin tonong yin ye ko nabas anyaka yin be yin rine̱n nitak na baꞌ.

aGalati 2:18

Ke mi bun i san kukuus ike̱ng iya mi ta tsang i won, iyong tonong ye mi taam ni ime̱se̱ng'e.