aRom 3:4 - Izere New Testament

⁴ Ko cie̱k, i se anong baꞌ. Adakunom ne a nye afe katsak dim; ánerawe be abo̱o̱s. Kyo̱ndi i ta se kaye̱e̱r izibir ye, “Nong ase̱ a ta ren ye, wan be katsak ke wan fe̱ kanu Ne wan tonong kanang ye wan nye aner katsak nizen iya a ta sen ka to̱ amok.”

aRom 3:4 Referans Kwoze

aGalati 2:17

“Ke i nye ye yir shim ta te yir azhe̱l'e nasho̱o̱n Adakunom nizen iya yir ta te yir azining be aKiristi, (sang kamok kukuus Itsi áner aYahuda baꞌ) amma á bun á ti ye̱re̱k yir kyo̱ndi áfe rine̱n iyong tonong ye aKiristi ti to̱k yir nong ta nye yir rine̱n a? I se anong baꞌ. Ko cie̱k!

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

aYohana 3:33

Amma aner aya a ta shan rife̱ wu tonong ye Adakunom nye katsak.

Ike̱ng a ta tonong aYohana 3:7

“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aRom 9:14

Iyong yir ta fe̱ yir ane̱ e̱? Adakunom nye gye̱r baꞌ a? Wayo, cie̱k!

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

aGalati 2:21

Mi ramin ritek Adakunom baꞌ, kamok ke a nye ye ánerawe ta te zhe̱l kamok ku kuus Itsi, i nye ye riku aKiristi be itomong baꞌ.”

aRom 6:15

To̱, iyong ane̱ e̱? Yir ta yiir nye yir rine̱n kamok sang Itsi i ti nye rigwo̱m natoon yir baꞌ amma ritek Adakunom e̱? Wayo, cie̱k!

aRom 3:31

Kamok anong, yong yir ta won yir Itsi kamok kuno̱o̱k katsak na a? Wayo, ko cie̱k, ta titsik yir ingya.

aMatiyu 11:19

Igon Anerawe be̱ a yas ne a so̱, yong ba fe̱ ye a ma ka yas ne a so̱, ne a nye rime̱ be áfe kushashang itso̱m iben ne áfe rine̱n. Gip be anong mi di kukyem Adakunom be itomong wu.”

aGalati 6:14

Adakunom rin roon kuka ma ke mi tin ya kuka be kutigak Agwo̱m Ágwo̱m yir aYeso Kiristi nukon, be riku wu ne mi ku ni ike̱re̱ kazatse na, ne ike̱re̱ kazatse ne ku ni mi.

aRom 11:1

To̱, mi nye kurip: Iyong Adakunom gaar ánerawe wu a? Wayo, cie̱k! Mi be rice mi gip mi nye aner Isarela, aner kasa Ibrahim, kaye̱e̱r izo̱ro̱k aBanyami.

2 aKoranti 1:18

Kyo̱ndi yin ta ren yin ye, Adakunom nye aner a ta fe̱ ike̱ng ne a nye, anong ne rife̱ yir ta fe̱ yir be yin nye, “Ei ne ri bun nye Wayo” baꞌ.

aRom 11:11

Mi bun inye kurip gbak ye. Nizen iya áner Isarela tá turuk kutak, á ba bun á dorok aꞌa? Wayo, ko cie̱k! Kunye rine̱n ba ban kusak áner afe sang á ta nye áner aYahuda baꞌ, ta se̱ kashesh ingya ma áner Isarela tu shishim ba.

aRom 7:7

To̱, iyong yir ta fe̱ yir ane̱ makong e̱? Itsi nye rine̱n a? Ko cie̱k, katsak'e, a fa fe̱ ye Itsi baꞌ, sang ke mi ren ike̱ng iya i ta nye rine̱n baꞌ. Ye kamok Itsi ta fe̱ ye, “Sang tu shishim ike̱ng akak baꞌ,” ke mi ren ike̱ng iya a tá yis ye rishishim baꞌ.

aRom 6:2

Wayo, cie̱k! Aye̱ yir n kus ni itak rine̱n. I ta bun i nye yir ane̱ i ta sor yir kaye̱e̱r rine̱n e̱?

aLuka 20:16

“A tà tseng nong a tà se fe̱s áner wu tú ku no̱o̱k ba aro riko̱'me, ne a won riko̱'me nubo̱k áner ákak ze̱e̱r.” Ánerawe'me tá fa fok anong ne á fe̱ ye, “Adakunom ra roon'e!”

aRom 7:13

To̱, iyong ike̱ng i ta nye itek ti be̱e̱n riku a? Wayo, cie̱k, rine̱n ne ri ti be̱e̱n riku nong a ta ren kunik rine̱n, be Itsi ne rine̱n ta wuruk kanang be kurisik wu.

1 aKoranti 6:15

Aser, yin ren yin ye iro̱m yin nye ikap kuro̱m aKiristi aꞌa? Mi ta sok ikap kuro̱m aKiristi nong tin nyim kuro̱m be inyak agwo̱m a? I ta te anong baꞌ, cie̱k.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.