aRom 3:30 - Izere New Testament

³⁰ kamok Adakunom se azining, a ta sak áya a ta nye izhak ta te gye̱r nasho̱o̱n wu kamok kuno̱o̱k katsak ba, anong ne áya a ta nye izhak baꞌ, ta se̱ kute gye̱r nasho̱o̱n Adakunom kamok kuno̱o̱k katsak ba gip.

aRom 3:30 Referans Kwoze

aGalati 3:8

Kufumung rife̱ Adakunom tsang fe̱ ye, Adakunom ta sak áya sang á ta nye aYahuda baꞌ ta se gye̱r nasho̱o̱n Adakunom kamok kuno̱o̱k katsak ba, ne a tsang a tak Ibrahim Rife̱ Ritek'e nakuruk ye, “Kamok wan, ánerawe kazatse cice̱r ta se̱ ritek Adakunom.”

aGalati 3:20

Kamok ánerawe ta kyem a no̱ aner azining baꞌ ma áner afa, to̱ Adakunom se azining.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

aGalati 6:15

Ke kunye izhak be ku won dar kunye'me nye ike̱ng ikak baꞌ, ike̱ng iya i ta nye igbang'e nye nong ta te aner afas.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

aRom 3:28

Rife̱ yir se ye anerawe ta te gye̱r nasho̱o̱n Adakunom kamok kuno̱o̱k katsak wu, sang be ku kuus ike̱ng iya Itsi ta fe̱ baꞌ.

aRom 2:26

Ke áner aya sang á tú ku nye ba izhak baꞌ, kuus ike̱ng iya Itsi aMusa ta fe̱, aser, a tu ku di ba tite̱re̱'e be áner aya a tá ká nye ba izhak aꞌa?

aRom 2:27

Aner aya a tú ku nye izhak baꞌ, amma ne a kuus Itsi'me gye̱r, wu tà ka to̱ amok, wan afe i ta ren Itsi i tan nye izhak gye̱rtatan i ra kuus ike̱ng iya Itsi'me ta fe̱ baꞌ.

aRom 3:22

Adakunom sak koangan aya a tin no̱o̱k katsak na aYeso Kiristi ta te gye̱r nasho̱o̱n wu. Sang a ti kasa baꞌ.

aRom 4:9

Riye̱ rikan na nye rife áner aya a tú ku nye ba izhak tsek, ka mak be áya a tá ku nye ba izhak'e baꞌ e̱? Ei, ike̱ng yir ta sen nife̱ yir se ye, “Kuno̱o̱k katsak Ibrahim ne ku sak Adakunom tú ku sok kyo̱ndi aner a ta se gye̱r nasho̱o̱n wu.”

aRom 4:16

Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

1 aTimoti 2:5

Kamok Adakunom se azining, aner aya a ta no̱ natite Adakunom be ánerawe se azining, aner'e nye aYeso Kiristi.