aRom 3:29 - Izere New Testament

²⁹ Ka Adakunom nye Adakunom áner aYahuda tsek a? Aser, a nye Adakunom áfe áya sang á ta nye áner aYahuda baꞌ gip aꞌa? Ei, a nye áfe aya sang a ta nye áner aYahuda baꞌ gip,

aRom 3:29 Referans Kwoze

aKolosi 3:11

Kamok anong sang tu ye̱re̱k yin ye áner aYahuda se ze̱e̱r be áner aya sang á ta won dar á nye áner aYahuda baꞌ. Áya a tá mu ku nye ba izhak ka áya a tá won dar a ka nye ba izhak baꞌ. Aner aya a ta nye kye̱re̱ se ze̱e̱r be aner aya a ta won dar a karak rice baꞌ. Asam se ze̱e̱r be igon kari baꞌ, kamok aKiristi ne a nye koakye ne a se kaye̱e̱r koakye.

Afisa 3:6

Kanye̱k'e se ye kamok kutaas Rife̱ Ritek Adakunom, nong áner aya a ta nye áner aYahuda baꞌ ta se̱ kuya kutse mak be áner Isarela. Ba te kyo̱ndi aner azining ne á se̱ kukap mak be áner Isarela, kaye̱e̱r ike̱ng iya Adakunom tá tsang a fe̱ ye wu ta no̱o̱k kamok aYeso Kiristi.

aGalati 3:14

aKiristi ti shesh yir nong áner áfe a ta nye áner aYahuda baꞌ ta se̱ ritek a ta no̱o̱k Ibrahim kamok aYeso Kiristi. Be kuno̱o̱k katsak yir, yir ta se̱ yir Kabik Kazhe̱l'e Adakunom ta tsang a no̱o̱k kuto̱ ye wu tin no̱o̱k yir.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

aRom 10:12

Kamok áner aYahuda be áya sang a ta á nye áner aYahuda baꞌ se ze̱e̱r baꞌ. Agwo̱m Ágwo̱m'me se azining, a ti nye rigwo̱m natoon koangan, ne a no̱o̱k koangan afe a ta yis kaye̱e̱r riyerek wu kurum wu washak,

aRom 1:16

Mi fok isum kutaas Rife̱ Ritek aYeso baꞌ, kamok ri nye kukyem Adakunom nong a tin shesh koangan afe a tin no̱o̱k katsak, ni ime̱se̱ng'e nye rife áner aYahuda ne áner aya a ta nye áner aYahuda baꞌ, ni kuus.

Itomong Ámanzo 26:17

Mi ta ka shesh nubo̱k ánerawe wan ne áner á ta nye áner aYahuda baꞌ. Mi ta ka tom nufu ba.

Itomong Ámanzo 22:21

“Iyong Agwo̱m Ágwo̱m'me fe̱ be mi ye, ‘Mi ta ka tom tsik nufe áner aya sang a ta nye áner aYahuda baꞌ.’ ”

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

aMatiyu 22:32

‘Mi ne i nye Adakunom Ibrahim be Ishaku ne aYakub’ aꞌa? A nye Adakunom atser sang áfe ikom baꞌ.”

Itomong Ámanzo 10:34

Ayong aBitrus kpaan rife̱ ye, “Kyo̱o̱rna ne mi ra ma ren ye i nye katsak, Adakunom kasa baꞌ.