aRom 3:27 - Izere New Testament

²⁷ Iyong yir tin tsor yir kafok be akye̱ e̱? Ike̱ng ikak kuse baꞌ. Ka i tin tsor yir kafok kamok yir tá kuus yir itsi a? Wayo, yir ta tsor yir kafok baꞌ kamok ike̱ng aYeso tá nye.

aRom 3:27 Referans Kwoze

aRom 2:23

Wan afe i ta tsor kafok be Itsi aMusa, wan zhe̱e̱sh Adakunom nizen iya wan ta gaar kukuus Itsi'me aꞌa?

aRom 4:2

Ke a fa fe̱ ye Ibrahim se gye̱r nasho̱o̱n Adakunom kamok kunye wu ke wu be ike̱ng iya a tanin tsor kafok natoon'e, amma sang nasho̱o̱n Adakunom baꞌ.

aGalati 3:22

Amma kufumung rife̱ Adakunom fe̱ ye rine̱n zim ánerawe kazatse na cei, nong ase̱ ike̱ng Adakunom ta tsang a ni no̱o̱k kuto̱, iya i ta be̱ kamok kuno̱o̱k katsak na aYeso Kiristi, iya Adakunom ta no̱o̱k aya a ti no̱o̱k katsak.

aRom 2:17

To̱, wan afe i ta fe̱ ye wan nye áner aYahuda, wan ti fereng natoon Itsi ne i ni itsor kafok ye wan ren Adakunom,

aRom 7:21

Mi ma ren ye ike̱ng na be itomong: Nizen iya mi ta shim ta nye ike̱ng i ta nye itek, ne mi ban i shishing i di imaan'e mak be mi.

aGalati 2:16

Yir ren yir ye sang ánerawe te aner azhe̱l'e nasho̱o̱n Adakunom ke a kuus Itsi aMusa baꞌ, amma kamok ku nino̱o̱k katsak wu na aYeso Kiristi. Yir gip yir min no̱o̱k yir katsak na aYeso Kiristi'me nong ta te yir ázhe̱l'e nasho̱o̱n Adakunom. Yir te yir zhe̱l kamok ku ni no̱o̱k katsak yir na Kiristi, sang kamok ku kuus Itsi baꞌ. Kamok kukuus Itsi ne ku ta sak aner akak ta te azhe̱l'e nasho̱o̱n Adakunom baꞌ.

1 aKoranti 4:7

Angan ta sak wan ta nar akak e̱? Akye̱ ne wan be a ta won dar a ka no̱o̱k e̱? Ke i nye ye a tá no̱o̱k koakye ike̱ng iya wan ta be, to̱, akye̱ sak wan ta ya kuka kyo̱ndi a tá no̱o̱k baꞌ e̱?

aRom 11:6

Ke i se ye kaye̱e̱r ritek wu to̱, i nye ye sang kamok itomong ba baꞌ. Ke i se ye kamok itomong ba, to̱, i nye ye ritek wu'me nye katsak baꞌ.

aRom 10:5

aMusa nye izibir natoon iren aner tana se̱ kute gye̱r nasho̱o̱n Adakunom kamok a kuus Itsi. A fe̱ ye, “Koangan afe a ta kuus Itsi na cei ta se̱ kutser kufe izen izen.”

aRom 9:32

Akye̱ sak anong e̱? Kamok sang ba tá tse̱r niren kuno̱o̱k katsak baꞌ amma be kukuus Itsi ne kunye kutek, yong a ti tu atak natoon “kuta kutu atak.”

aRom 9:11

Kum ne an tsang a tes Isuwa be aYakub baꞌ ka kum ne ba tsang an nye ike̱ng ikak itek ka imaan'e baꞌ, Adakunom fe̱ be aRifkatu ye, “Igon kako'me tà nye kawusong'e itomong.” Adakunom fe̱ anong nong a ta tonong ye aner a tana kasa a tu ku kasa kamok kushim Adakunom sang kamok itomong aner'e.

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

aRom 7:25

Mi be riye̱ rikan be Adakunom kamok a ti shesh be aYeso Kiristi Agwo̱m Ágwo̱m yir. Kamok anong kaye̱e̱r riye̱ mi, mi te asam Itsi Adakunom, amma kaye̱e̱r kuse rinerawe mi te asam ike̱re̱ ife rine̱n tá fe̱ ye i ra nye.

aRom 7:23

Amma kaye̱e̱r kuro̱m'i, mi fok ike̱ng ikak ze̱e̱r ta nye itomong be iya riye̱ mi ta shim. Ike̱ng i ta sak kuro̱m'i be riye̱ mi ta can, ne i te kyo̱ndi asam kaye̱e̱r kukuus ike̱ng iya i ta se kaye̱e̱r kuro̱m'i.

aRom 3:19

Yir ren yir ye, koakye ike̱ng iya Itsi ta fe̱, i ti fe̱ natoon áner aya Itsi tin nye itomong natoon ba, fan ákak bu se̱ ike̱ng iya a tana fe̱, ne amok Adakunom se natoon kazatse cice̱r.

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

aRom 3:26

Be anong ne Adakunom tonong nizen na ye wu be rice wu nye aner katsak ne kuse kutek, nong a ta tonong katsak'e ne a sak koangan afe a tin no̱o̱k katsak na aYeso a ta te aner a ta se gye̱r nasho̱o̱n wu.

aRom 9:31

Amma áner Isarela áya a tin te iso̱r nong a ta se̱ kute gye̱r nasho̱o̱n Adakunom kamok á kuus Itsi, á se̱ baꞌ.