aRom 3:25 - Izere New Testament

²⁵ Adakunom no̱o̱k aYeso nong a tá sor asidaka kure̱ng rine̱n yir. A re̱ng ánerawe rine̱n ba kamok kuno̱o̱k katsak ba natoon kunyosong naso̱k wu. Adakunom nye anong, nong a tá tonong katsak be kuse kutek wu, kamok gbugbang, Adakunom kaye̱e̱r kuwhiwhe̱ wu a ye̱re̱k rine̱n anerawe wha.

aRom 3:25 Referans Kwoze

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

1 aYohana 2:2

Wu ne a nye asidaka kure̱ng rine̱n yir. Kamok yir tsek baꞌ, amma ánerawe kazatse cei.

aRom 5:9

Kum naso̱k aYeso ta sak yir ta te yir gye̱r nasho̱o̱n Adakunom, shita kyo̱o̱rna baꞌ a tin shesh kamok aKiristi fan riye̱ kubeseng Adakunom bu ni se̱ yir.

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

Ibrani 10:4

Kamok naso̱k amung be izha ta kyem i kusu rine̱n nigaan'e baꞌ.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

aRom 5:1

Kamok anong kum yir tan se̱ yir kute gye̱r nasho̱o̱n Adakunom kamok kuno̱o̱k katsak yir, yir sor yir caang be Adakunom kamok Agwo̱m Ágwo̱m yir, aYeso Kiristi.

Ike̱ng a ta tonong aYohana 20:15

Koangan afe a ta se̱ riyerek wu kaye̱e̱r kufumung kutser'e baꞌ, a tú barak kaye̱e̱r icen kuro̱ng ame.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

Ibrani 11:14

Ánerawe áfe a ta fe̱ ike̱re̱ kuri iyuna tonong kanang ye ba shim kaben kafe rice ba.

1 aYohana 1:10

Ke yir fe̱ yir ye yir n nye yir rine̱n baꞌ, i nye ye yir sok yir ye Adakunom be abo̱o̱s ne rife̱ wu kuse kaye̱e̱r aye̱ yir baꞌ.

Ibrani 11:17

Natoon kuno̱o̱k katsak ne Ibrahim ti no̱o̱k Ishaku a tá sor asidaka nizen Adakunom tú ku bo̱mo̱ng. Wu afe a tá shan ike̱ng iya Adakunom tá tsang a fe̱ be wu ye a tú ku nye'me, a bun a sen sok asuze̱r igon wu'me a tin nye asidaka.

Ibrani 9:5

Ike̱re̱ ikak ifa i tá tas amaleka a tá yis ye aCerubim se natoon akpate'me, a ti ta nawu naro̱ kure̱ng rine̱n'e. Amma kyo̱o̱rna, yir ta kyem i fe̱ yir ike̱ng ikak natoon ike̱re̱'me nye̱k nye̱k baꞌ.

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

aRom 5:11

Awan anong tsek baꞌ, aye̱ yir kare̱p kamok ike̱ng Adakunom tá nye be Agwo̱m Ágwo̱m yir aYeso Kiristi aya kamok wu ne kyo̱o̱rna yir ti nye yir igaas.

aRom 3:26

Be anong ne Adakunom tonong nizen na ye wu be rice wu nye aner katsak ne kuse kutek, nong a ta tonong katsak'e ne a sak koangan afe a tin no̱o̱k katsak na aYeso a ta te aner a ta se gye̱r nasho̱o̱n wu.

aRom 2:4

Ka wan zhe̱e̱sh agbang ritek Adakunom be kutsesek wu ne kuse whiwhe̱ wu e̱? Wan ren ye ritek Adakunom tá sak wan tá shishing kuse wan aꞌa?

Itomong Ámanzo 4:28

Ba nyim á ta nye ike̱ng iya wan tan sak ta nye kaye̱e̱r kuyiik be kukyem wan.

Itomong Ámanzo 3:18

Adakunom nye anong nikum a tá shining ike̱re̱ iya wu tá tsang a fe̱ nanu áner kuzarap wu ye, aKiristi ta so̱ risam.

Itomong Ámanzo 15:18

wu afe a tu ku ren kum gbugbang.

Itomong Ámanzo 2:23

Adakunom tsang a ni sak kaye̱e̱r kushim wu ye a ta no̱o̱k aYeso nubo̱k yin, ámaan aner ta ka se̱ mo yin nong yin tú ku tigak yin nukon, a tá ku.

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

Itomong Ámanzo 14:16

Gbugbang, Adakunom won ánerawe ta kuus igo̱o̱n ba tsek.

aRom 5:18

Kamok anong, kyo̱ndi rine̱n aner azining tá sak koangan ta ku, anong ne ike̱ng itek izining iya aner azining tá nye i ta sak koangan te gye̱r nasho̱o̱n Adakunom ne i ta be̱e̱n ánerawe kutser kufas.

1 aKoranti 5:7

Kam yin be ayisti azen nong ta te yin kyo̱ndi nakan nafas na ta se dar ayisti, kyo̱ndi yin ta se yin kyo̱o̱rna'me, kamok a min nye asidaka be aYeso a ta nye aturuk aPasova yir.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

Afisa 1:7

Kamok wu Adakunom ti sheshek yir be kunyosong naso̱k aYeso, ne yir se̱ yir kure̱ng rine̱n. A nye anong kamok agbang ritek wu,

Afisa 2:13

Amma kyo̱o̱rna kaye̱e̱r aYeso Kiristi, yin áfe i tá tsang i se yin aza gugo̱k, a be̱ be yin bubarak kamok naso̱k aKiristi makong.

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.