aRom 3:2 - Izere New Testament

² Ei katsak'e, á nar ribir'e nike̱re̱ dide̱ng. Ni ime̱se̱ng'e Adakunom tú no̱o̱k ba rife̱ wu.

aRom 3:2 Referans Kwoze

aRom 9:4

áner Isarela. Ba ne Adakunom tú ku sak ba á tá te inoon wu, a tú tonong ba kuyiik wu, a tú ku nye ba kushu be Itsi iya a ta ka no̱o̱k ba, ne a ka tonong ba iren ku kuya iben ife katsak. A bun a tú ku no̱o̱k ba kuto̱.

Itomong Ámanzo 7:38

Wu ne a se mak be rigwo̱m inoon Isarela kaye̱e̱r katse ne a se mak be áda yir ne a se mak be amaleka aya a tá fe̱ kanu be wu natoon rifan aSinai. Wu ne a shan rife̱ Adakunom rife kutser a tá be̱ a tin no̱o̱k yir.

Ibrani 5:12

Katsak'e, a fa gye̱ ke yin ma sen bo̱so̱p yin ákak'e kyo̱o̱rna, gip be anong yin ru shim yin ákak afe a tana ka bo̱so̱p yin ike̱re̱ izhizhe̱k'e kaye̱e̱r rife̱ Adakunom. Yin tse̱r yin nabasang, sang akpakarak naya baꞌ.

1 aKoranti 9:17

A fa fe̱ ye mi taas Rife̱ Ritek aYeso kamok kushim riye̱ mi ke a min no̱o̱k ishorong'i. Sang mi nye kaye̱e̱r kushim riye̱ mi baꞌ, mi nye ike̱ng iya Adakunom tin sak ye i ra nye tsek.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

Ike̱ng a ta tonong aYohana 22:6

Ayong amaleka'me fe̱ be mi ye, “Rife̱ na nye katsak, i nye ike̱ng iya a tana kuus. Adakunom, Agwo̱m Ágwo̱m aya a ta no̱o̱k afe kuzarap kabik wu, tom amaleka wu nong a ta tonong ásam wu ike̱re̱ iya i tana nye sang be kubeseng izen baꞌ.”

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

1 aTimoti 6:20

aTimoti, ni sak riye̱ be ike̱ng iya a ta ka no̱o̱k amana'me. Kam be akpe̱de̱ng itak ne rife̱ kuzhe̱e̱sh Adakunom ra wan abo̱o̱s a ta yis ye kuren ike̱ng,

aGalati 2:7

Ba gip ba di, Adakunom tin no̱o̱k itomong kunye awazi nufe áya sang á tá nye áner aYahuda baꞌ, kyo̱ndi a tá no̱o̱k aBitrus itomong kunye awazi nufe áner aYahuda.

2 aKoranti 5:19

Rife̱ yir se ye, Adakunom shishing ánerawe kazatse nong á ta te áferime̱ wu kamok aKiristi. Adakunom fa rine̱n ba natoon rice ba baꞌ. A ti no̱o̱k yir rife̱ ánerawe tana te áferime̱ wu.

aRom 3:3

Amma, ke ákak ba ti no̱o̱k katsak baꞌ, ne̱? Ku won dar kuno̱o̱k katsak ba tà sak katsak Adakunom ta te kpe̱de̱ng a?

aRom 2:18

ne i fe̱ ye wan ren ike̱ng iya Adakunom ta shim ne i ren ike̱ng iya i ta nar kuse gye̱r kamok a tá ka bo̱so̱p'e ye Itsi fe̱ anong.

aRom 1:2

Rife̱ Ritek'e nye rife̱ Adakunom tá tsang a no̱o̱k kuto̱ be áner kuzarap kyo̱ndi á tá zibir kaye̱e̱r Afumung Azhe̱l'e.

aYohana 5:39

Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i.

aRom 3:1

To̱, akye̱ ne wan tà se̱ ke wan fe̱ ye wan nye áner aYahuda. Izhak tà ka barang mo akye̱ e̱?