aRom 2:8 - Izere New Testament

⁸ Amma áya a ta shim rice ne á gaar katsak ne á nye amaan kunye, a tù ku karang ba be riye̱ kubeseng ne riye̱ riwe.

aRom 2:8 Referans Kwoze

Ike̱ng a ta tonong aYohana 16:19

Agbang kuwo̱p ame kabak abas ataar ne ágbang iwo̱p kazatse kpas ze̱r ze̱r. Adakunom to̱ro̱ng be agbang kuwo̱p aBabila. Ayong a no̱o̱k aBabila'me kures ashi anap kufe agbang riye̱ kubeseng wu.

1 aBitrus 4:17

Izen n nye a tana san kuto̱ ánerawe amok, a ta san'e be áfikuus Adakunom. To̱, ke a san'e be yir, i ta se ane̱ be áya a ta raba kukuus Rife̱ Ritek Adakunom e̱?

2 aTasalonika 1:8

A tà nees áya a tá raba Adakunom ne á gaar kukuus Rife̱ Ritek Agwo̱m Ágwo̱m yir aYeso.

Ike̱ng a ta tonong aYohana 14:10

wu gip a tà so̱ ashi riye̱ kubeseng Adakunom, aya a tá nye be agap wu kaye̱e̱r kures riye̱ kubeseng wu. A tù ku no̱o̱k risam dide̱ng be kuro̱ng ne ike̱ng ikak kyo̱ndi itong abindiga itong ikak nasho̱o̱n ámaleka ázhe̱l'e ne nasho̱o̱n Aturuk'e.

Ibrani 11:8

Natoon kuno̱o̱k katsak ne Ibrahim ti fok kuto̱ Adakunom a tá tseng naro̱ kaya wu tá ren baꞌ, nizen iya a tá fe̱ be wu ye a ra tseng naro̱ ka tana te kafu nasho̱o̱n.

Ibrani 10:27

Igak'e ma nye ye, a tà tor amok Adakunom kaye̱e̱r ikap kutiim be kuro̱ng kufe ku tana ya ámudo̱n Adakunom.

Ibrani 5:9

Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.

aTitus 3:9

Amma kam be akikar afe rifunam ne aduk atin ne kafa iriri ízam atukop atukop be kuya nanan ne kuren natoon Itsi kamok ike̱re̱ kuri iyong nye ikpe̱de̱ng'e, i tin barang ike̱ng ikak baꞌ.

1 aKoranti 11:16

Ke aner akak shim a tin ya nanaan natoon iyu, yir ren yir igo̱o̱n ikak ze̱e̱r be iyu baꞌ. Anong ne ribir áfikuus ákak ninaro̱ kuya Adakunom iben.

aRom 15:18

Mi ta kyem i nye riye̱ ritser nong tin fe̱ ike̱ng ikak natoon'e baꞌ, ma ke ike̱ng iya aKiristi tin sak mi tan nye. Ike̱ng mi ta nye'me nye mi ta be̱e̱n áya sang á ta nye áner aYahuda baꞌ, ta kuus Adakunom kamok rife̱ mi be kunye mi,

aRom 10:16

Amma sang aner Isarela cice̱r ne a shan Rife̱ Ritek'e baꞌ. Kyo̱ndi Ishaya ta fe̱ ye, “Agwo̱m Ágwo̱m, angan ti no̱o̱k katsak rife̱ yir e̱?”

aRom 9:22

Anong ne itomong Adakunom se. Ke a shim ne a tonong riye̱ kubeseng wu, ne a bun a tonong kukyem wu kanang. Amma kaye̱e̱r acaang riye̱ wu, a tsesek dide̱ng be aya i ta se gye̱r ke di kubeseng riye̱ wu aya Adakunom tan gang kanye̱k ku ka shosh ba.

aRom 6:17

Amma yir be yir riye̱ rikan be Adakunom kamok rine̱n ne ri tsang ri ti nye rigwo̱m natoon yin gbugbang, amma kyo̱o̱rna be riye̱ rizining yin kuus yin ike̱re̱ a tá ka bo̱so̱p yin'e.

aRom 1:18

Adakunom sen tonong riye̱ kubeseng wu ri ta ne naza natoon áya a ta zhe̱e̱sh Adakunom ne amaan kunye ánerawe áya a ta she̱re̱k katsak kaye̱e̱r amaan kunye ba.

1 aBitrus 3:1

Yin ányining iwe̱ne̱ng, yin gip, kuus yin ike̱ng iya átek yin ta fe̱ be yin, nong ke ákak ba kuse áya sang á tá min no̱o̱k katsak rife̱ Adakunom baꞌ, kashim kuse ányining ba tà sak á tin no̱o̱k katsak sang ma akak fe̱ ike̱ng ikak be ba baꞌ.

2 aKoranti 12:20

Kamok mi fok inyim ye kashim ke mi be̱, mi ta be̱ tá ka se̱ yin kyo̱ndi mi ta shim baꞌ, ne yin ni sok yin kyo̱ndi yin ta shim yin baꞌ. Mi fok inyim ye mi ta be̱ ta ka se̱ yin riwo̱ng be rifuup ne riye̱ kubeseng be ku won dar kugung rice, be ritok, ne imok, be rice ribun ne akpe̱de̱ng kusor.

aGalati 5:20

ne kukuus ike̱re̱ itsi be rikur. Ánerawe naka di kye̱re̱ ne á ko̱ro̱ng ne á naka shishim, be riye̱ kubeseng dide̱ng, ne kushim rice be ku naka kaa ne kuwon dar kugung rice,

aFilipi 1:17

Amma áya a tá taas rife̱ aKiristi'me kaye̱e̱r kushim riye̱ ba, sang kaye̱e̱r katsak baꞌ, ba sor ye mi tin barang kufok risam nitso̱m.

aFilipi 2:3

Sang tu nye yin ike̱ng ikak be kushim rice baꞌ, ka be kuka baꞌ, amma be yin kumees rice ne i sok yin áfudang yin kyo̱ndi á ta nar yin.

aYakub 3:14

Amma ke wan yiir amaan rishishim ne kushim rice kaye̱e̱r riye̱ wan, tin nye kuka natoon'e ka ta ton katsak'e baꞌ.

aYakub 3:16

Kamok karo̱ a ta se rishishim be kushim rice, azong ne wan ta se ashangam be amaan kunye.