aRom 2:5 - Izere New Testament

⁵ Amma kamok kushonong wan i ta gaar kushishing kuse wan, wan naka tusung amok Adakunom natoon rice wan ma katuk riye̱ kubeseng Adakunom, nizen iya a tana to̱ kazatse amok kaye̱e̱r katsak.

aRom 2:5 Referans Kwoze

aRom 1:18

Adakunom sen tonong riye̱ kubeseng wu ri ta ne naza natoon áya a ta zhe̱e̱sh Adakunom ne amaan kunye ánerawe áya a ta she̱re̱k katsak kaye̱e̱r amaan kunye ba.

aZhud 1:6

Bun i yiring yin be ámaleka áya sang á tá kuus itsik rigwo̱m baꞌ, amma á won itsik ba ife ime̱se̱ng'e. Kuri ayong Adakunom ma ka te̱ne̱ng ba kaye̱e̱r awhi nong a tú ku rosom ba be idun atso̱m ife ma izen izen nong a tú ku to̱ ba amok katuk Agbang Kunom'e.

2 aBitrus 3:7

Be rife̱ Adakunom'me ne a tin shosh kaza be kaben kaya yir ta ye̱re̱k yir na. Be rife̱ Adakunom ne Adakunom won kaza be kaben ma katuk a tana to̱ áya sang á ta fok inyim Adakunom'me baꞌ amok ne a ka shosh ba.

Ibrani 3:15

Kyo̱ndi a tan fe̱ ye: “Katuur, ke yin fok yin kuto̱ Adakunom, tu shonong yin baꞌ, kyo̱ndi yin tá te yin ma i te yin shaam.”

2 aBitrus 2:9

Kamok anong, ike̱re̱ kuri iyuna ne i sak yir ta ren yir ye Adakunom ta kyem a shesh áner aya ta se kaye̱e̱r iriri kubo̱mo̱ng áner aya a ta se gye̱r nasho̱o̱n wu ne a won áya a ta be amaan kunye nong á ta ya kasho̱o̱n be risam ma katuk a tana to̱ kazatse amok.

Ibrani 4:7

Kamok anong, Adakunom sak kunom kukak a ta yis ye, “Katuur.” A fa baan dide̱ng ne a fe̱ nanu aDauda kyo̱ndi a ta tsang a zibir ye, “Katuur ke yin fok yin kuto̱ wu, tu shonong yin baꞌ.”

Ibrani 3:13

Amma yiir i naka tsesek yin kunom. Ni nye yin itomong be koakye izen iya a ta yis ye, “katuur”, nong fan rine̱n bu wo̱k akak yin nong ta shonong.

aRom 9:22

Anong ne itomong Adakunom se. Ke a shim ne a tonong riye̱ kubeseng wu, ne a bun a tonong kukyem wu kanang. Amma kaye̱e̱r acaang riye̱ wu, a tsesek dide̱ng be aya i ta se gye̱r ke di kubeseng riye̱ wu aya Adakunom tan gang kanye̱k ku ka shosh ba.

Ike̱ng a ta tonong aYohana 6:17

Kamok agbang kunom riye̱ kubeseng ba m be̱, angan ne a ta kyem'me e̱?”

aYakub 5:3

Atso̱m yin a ta yis ye azinariya be azurfa nbeseng. Kubeseng ba ta fe̱ rife̱ natoon yin, ne a ya rinam kuro̱m yin kyo̱ndi kurong. Yin tusung yin kurum kaye̱e̱r inom igang'e.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

2 aKoranti 5:10

Kamok koangan yir ta nyeseng nasho̱o̱n itsik amok aKiristi, nong a tà shan ishorong wu tite̱re̱ be ike̱ng wu tá nye kum ni wu rusek nuro̱m na, ka i tu nye itek ka imaan'e.

2 aTasalonika 1:5

Ike̱re̱ na cice̱r tonong ye amok Adakunom se gye̱r ne i bun tonong ye yin kyem tà sor yin kaye̱e̱r rigwo̱m Adakunom rife yin ta sen ni so̱ yin risam kamok'e.

Ike̱ng a ta tonong aYohana 2:21

Mi tú no̱o̱k izen nong a tá shishing kuse wu a tá won ku kuus átek, a rawu.