aRom 2:26 - Izere New Testament

²⁶ Ke áner aya sang á tú ku nye ba izhak baꞌ, kuus ike̱ng iya Itsi aMusa ta fe̱, aser, a tu ku di ba tite̱re̱'e be áner aya a tá ká nye ba izhak aꞌa?

aRom 2:26 Referans Kwoze

aKolosi 2:11

Kaye̱e̱r wu ne a tá nye yin izhak kaye̱e̱r kabik gip, nong ta tun yin kuse kuri kufe rine̱n. Sang izhak kuri iya anerawe ne a ta nye baꞌ, amma kuri iya aKiristi ne a ta nye.

aRom 8:4

Adakunom nye anong, nong a tin shining yir be koakye ike̱ng i ta se gye̱r nasho̱o̱n wu iya Itsi tá fe̱ ye a ra nye, yir aya sang i ta sor yir kaye̱e̱r kuse rinerawe baꞌ, amma kaye̱e̱r Kabik.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

Afisa 2:11

Kamok anong, yiring yin kuri kusor yin agbugbang. Yin nye yin áner aYahuda baꞌ nutes. Ba áya a ta yis rice ba ye, “áfe izhak'ong” ne á ka yis yin ye, “ashurukur.” Izhak'ong a nye be ibo̱k natoon kuro̱m tse̱k.

aRom 3:30

kamok Adakunom se azining, a ta sak áya a ta nye izhak ta te gye̱r nasho̱o̱n wu kamok kuno̱o̱k katsak ba, anong ne áya a ta nye izhak baꞌ, ta se̱ kute gye̱r nasho̱o̱n Adakunom kamok kuno̱o̱k katsak ba gip.

aMatiyu 15:28

Ayong aYeso fe̱ be wu ye, “Anyiningkasa, kuno̱o̱k katsak wan se gaan. Ike̱ng wan ta shim a tà ka nye'me.” Nizen iyong angas wu ame wor a te atser.

aRom 2:25

Izhak a ta ka nye'me se gye̱r ke wan kuus Itsi'me. Ke wan kuus ike̱ng iya Itsi ta fe̱ baꞌ, wan se tite̱re̱ be aner aya a tu ku nye izhak baꞌ.

aRom 2:27

Aner aya a tú ku nye izhak baꞌ, amma ne a kuus Itsi'me gye̱r, wu tà ka to̱ amok, wan afe i ta ren Itsi i tan nye izhak gye̱rtatan i ra kuus ike̱ng iya Itsi'me ta fe̱ baꞌ.

aGalati 6:15

Ke kunye izhak be ku won dar kunye'me nye ike̱ng ikak baꞌ, ike̱ng iya i ta nye igbang'e nye nong ta te aner afas.