aRom 2:16 - Izere New Testament

¹⁶ Anong ne i bu se katuk Adakunom tana sak aYeso tana to̱ ike̱re̱ iya anerawe ta ne̱r kaye̱e̱r riye̱ amok, kyo̱ndi mi ta fe̱ kaye̱e̱r Rife̱ Ritek mi tá ka taas yin.

aRom 2:16 Referans Kwoze

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

Itomong Ámanzo 17:31

Kamok Adakunom'me n sak kunom kuya a tana be̱ nong a tà to̱ kazatse amok kaye̱e̱r katsak. A tonong koangan anerawe ye iyong nye katsak kamok a tú dorok nure̱k.”

Itomong Ámanzo 10:42

A ti sak yir ta taas yir ánerawe rife̱ Adakunom. A bun a fe̱ ye yir ra ka taas yir ba ye wu ne a nye aya Adakunom tan sak nong a ta to̱ áner aya a ta nye atser be áya a tan kus amok.

aLuka 8:17

Ike̱ng ikak kuse i ta se nune̱re̱ng ife sang a tana won dar a ren baꞌ, ka ike̱ng ikak kuse nukis ife sang a tana won dar a te̱s na akanang baꞌ.

1 aBitrus 4:5

Amma ba tà taas aner aya a tana to̱ atser be ikom amok ike̱ng iya ba tá nye.

aRom 3:6

Ko cie̱k, i se anong baꞌ. Ke i se anong, to̱, Adakunom ta nye ane̱ a ta to̱ kazatse amok e̱?

2 aBitrus 2:9

Kamok anong, ike̱re̱ kuri iyuna ne i sak yir ta ren yir ye Adakunom ta kyem a shesh áner aya ta se kaye̱e̱r iriri kubo̱mo̱ng áner aya a ta se gye̱r nasho̱o̱n wu ne a won áya a ta be amaan kunye nong á ta ya kasho̱o̱n be risam ma katuk a tana to̱ kazatse amok.

2 aTimoti 4:1

Mi fe̱ be wan be agbang kuto̱ nasho̱o̱n Adakunom ne aYeso Kiristi, aya a tana to̱ atser be ikom amok, a tana bun a be̱ nong a ta te tsik rigwo̱m wu ye,

2 aTimoti 2:8

Yiring be aYeso Kiristi aya a tú ku dorok nure̱k, aya a tá nye aner kasa aDauda kyo̱ndi Rife̱ Ritek riya mi tá taas, tá fe̱.

1 aTimoti 1:11

Kubo̱so̱p na se natoon ayiik Rife̱ Ritek Adakunom aya ánerawe tu ku kerek, a tin won'e nubo̱k nong ta no̱o̱k ákak.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aYohana 12:48

Aner kuto̱ amok kuse kamok aya a tin ramin ne a bun a rawu kushan rife̱ mi, rife̱ mi tá fe̱ tù ku to̱ amok katuk igang'e.

Ibrani 9:27

Kyo̱ndi a tan sak,

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

2 aKoranti 5:10

Kamok koangan yir ta nyeseng nasho̱o̱n itsik amok aKiristi, nong a tà shan ishorong wu tite̱re̱ be ike̱ng wu tá nye kum ni wu rusek nuro̱m na, ka i tu nye itek ka imaan'e.

aRom 2:5

Amma kamok kushonong wan i ta gaar kushishing kuse wan, wan naka tusung amok Adakunom natoon rice wan ma katuk riye̱ kubeseng Adakunom, nizen iya a tana to̱ kazatse amok kaye̱e̱r katsak.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aGalati 1:11

Aroneng, mi shim yin tu ren yin ye Rife̱ Ritek mi ta ka taas yin nye awazi anerawe baꞌ.

1 aKoranti 15:1

Kyo̱o̱rna ároneng, mi shim ta ka yiring yin itak Rife̱ Ritek riya yin tá shan yin, ne i ni nyeseng yin.