aRom 2:15 - Izere New Testament

¹⁵ Kunye ba tonong ye ike̱re̱ Itsi tá fe̱ ye a ra nye se kaye̱e̱r ba, kuto̱ro̱ng aye̱ ba tonong anong gip. Kamok izen ikak kuto̱ro̱ng aye̱'me tonong ye ba taam, nizen ikak ne i ku tonong ba ye ba taam baꞌ.)

aRom 2:15 Referans Kwoze

2 aKoranti 5:11

Kum yir ta ren yir ike̱ng iya i ta sak yir tana fok yir inyim Agwo̱m Ágwo̱m yir, to̱, i naka tsesek yir nong ta ko̱ro̱k yir ánerawe nong á tù ku bun nufe aKiristi. Adakunom ren kuse yir cice̱r, mi mok ye yin ren yin anong gip.

aTitus 1:15

Koakye se zhe̱l nufe áner aya a ta sok ye i se ázhe̱l'e. Amma ike̱ng ikak se zhe̱l nufe áya a be katsak ka áya a ta be agak riye̱ baꞌ, kamok kuto̱ro̱ng ba ne aye̱ ba se zhe̱l baꞌ.

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

1 aTimoti 4:2

Kubo̱so̱p na ta ne nufe ákardak áner afe abo̱o̱s áya aye̱ ba tan kus cei.

aRom 9:1

Katsak'e, ne mi fe̱ kamok aKiristi, sang mi bo̱ abo̱o̱s baꞌ, kaye̱e̱r kuto̱ro̱ng'i ne ike̱ng iya Kabik Kazhe̱l'e tin tonong, mi no̱o̱k katsak ye i nye katsak.

Itomong Ámanzo 24:16

Iyong ne i sak, koakye izen mi shim ta sor be agak riye̱ nasho̱o̱n Adakunom ka ánerawe baꞌ.

Itomong Ámanzo 23:1

Iyong aBulus ti sak anyisi na nusonong áko̱k kasho̱o̱n ame a tá fe̱ be ba ye, “Ároneng, be riye̱ rizining mi n nye koakye ike̱ng Adakunom tin sak ye mi ra nye ma nizen iyuna.”

aYohana 8:9

Ba tá fa fok anong ne á kpaan ku dorok azong, azizirik, ásho̱n ne a kpaan'e ma á won aYeso wu ze̱r be abining ame nunyeseng nasho̱o̱n wu.

aRom 2:14

(Katsak'e, ke aner aya sang a ta nye áner aYahuda baꞌ, be Itsi baꞌ, gip be anong nizen ikak a nye ike̱re̱ iya Itsi ta fe̱ ye a ra nye kyo̱ndi kuto̱ro̱ng ba tú ku no̱o̱k ba. Iyong tonong ye ba áya a tá sor dar Itsi te Itsi be rice ba.

aRom 2:27

Aner aya a tú ku nye izhak baꞌ, amma ne a kuus Itsi'me gye̱r, wu tà ka to̱ amok, wan afe i ta ren Itsi i tan nye izhak gye̱rtatan i ra kuus ike̱ng iya Itsi'me ta fe̱ baꞌ.