aRom 2:14 - Izere New Testament

¹⁴ (Katsak'e, ke aner aya sang a ta nye áner aYahuda baꞌ, be Itsi baꞌ, gip be anong nizen ikak a nye ike̱re̱ iya Itsi ta fe̱ ye a ra nye kyo̱ndi kuto̱ro̱ng ba tú ku no̱o̱k ba. Iyong tonong ye ba áya a tá sor dar Itsi te Itsi be rice ba.

aRom 2:14 Referans Kwoze

aRom 2:12

Koangan afe a tá nye rine̱n kamok sang a ta ren Itsi aMusa baꞌ, a tà wei sang be Itsi'me baꞌ, amma afe a ta nye rine̱n ne a ren Itsi aMusa'me a tù ku to̱ amok be Itsi'me.

aRom 2:27

Aner aya a tú ku nye izhak baꞌ, amma ne a kuus Itsi'me gye̱r, wu tà ka to̱ amok, wan afe i ta ren Itsi i tan nye izhak gye̱rtatan i ra kuus ike̱ng iya Itsi'me ta fe̱ baꞌ.

Afisa 2:12

Yiring yin nizen iyong, yin tsang i se yin mak be aKiristi baꞌ, a ta sok yin ye yin nye yin áner Isarela baꞌ, ye, yin be yin ike̱ng ikak kaye̱e̱r kushu Adakunom tá nye be átukop yir baꞌ. Kaye̱e̱r kazatse na yin se yin dar kute riye̱ ne yin be yin Adakunom baꞌ.

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

Itomong Ámanzo 10:35

A shim koangan a ta se kaye̱e̱r koakye kaben, aya a ta fok inyim wu ne a nye ike̱ng iya i ta se gye̱r.

aRom 1:32

A ren Itsi Adakunom iya i ta fe̱ ye a ra fe̱s áner aya a ta nye ike̱re̱ kuri iyu gye̱rtatan, amma á nye ike̱re̱ kuri iyong'e tsek baꞌ, amma á kuus kama áya a ta nye anong.

1 aKoranti 11:14

Kaye̱e̱r kusor yin, yin di yin ye ke aner amitek won nakuyo̱ng wu naso̱p, i nye ike̱ng isum aꞌa?

aFilipi 4:8

To̱, ároneng, nigang'e, koakye ike̱ng i ta nye katsak, koakye ike̱ng ánerawe ta di yiik ne koakye ike̱ng i ta se gye̱r, be koakye ike̱ng i ta se zhe̱l ne koakye ike̱ng ánerawe ta shim be koakye ike̱ng i ta be riyerek ritek, kaꞌ, koakye ike̱ng kuse i ta nye itek dide̱ng ne i be nakerek. To̱ yin natoon ike̱ng kuri iyu.

Itomong Ámanzo 14:16

Gbugbang, Adakunom won ánerawe ta kuus igo̱o̱n ba tsek.

aRom 2:15

Kunye ba tonong ye ike̱re̱ Itsi tá fe̱ ye a ra nye se kaye̱e̱r ba, kuto̱ro̱ng aye̱ ba tonong anong gip. Kamok izen ikak kuto̱ro̱ng aye̱'me tonong ye ba taam, nizen ikak ne i ku tonong ba ye ba taam baꞌ.)

1 aKoranti 9:21

Nizen iya mi ta se be áya a ta kuus Itsi baꞌ, mi sok rice mi i ta te kyo̱ndi áya Itsi tin be ike̱ng ikak natoon ba baꞌ, (Sang i se ye Itsi Adakunom won dar i ni be ike̱ng ikak rice mi baꞌ, Wayo, mi kuus Itsi aKiristi), nong ta korok aye̱ áya a ta kuus itsi'me baꞌ.

Afisa 2:3

Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.