aRom 2:10 - Izere New Testament

¹⁰ Amma koangan afe a tá nye ike̱re̱ itek, Adakunom tù ku no̱o̱k kuyiik be nakerek ne kameneng riye̱. A tà san'e be áner aYahuda ne áya sang á ta nye áner aYahuda baꞌ nikuus.

aRom 2:10 Referans Kwoze

1 aBitrus 1:7

Ike̱re̱ iya i ta ka se̱s yin'ong se nong a ta ren kuri kuno̱o̱k katsak kuya yin ta be yin. Izinariya gip i tana beseng, a bo̱mo̱ng be kuro̱ng nong a ta di ka i nye itek e̱. Anong ne a ta bo̱mo̱ng kuno̱o̱k katsak yin gip, kuya ku ta nar izinariya yiik. Be anong ne ku tà ka be̱e̱n yin nakerek be kuyiik katuk kaya a tana tonong aYeso Kiristi.

aYakub 3:13

Angan ne a be kukyem ne a ren ikeng kaye̱e̱r yin e̱? Won a tu tonong be kuse wu kutek, be kunye kutek ne kumees rice riya ri ta ne kaye̱e̱r kukyem.

aRom 8:6

Ke rine̱n ne ri te nye rigwo̱m natoon wan, wan ta ku, amma ke Kabik ne ka te nye rigwo̱m natoon wan, wan ta se̱ kutser ne kameneng riye̱.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aLuka 1:79

nong ku ta tonong áfe a ta se kaye̱e̱r awhi be áfe a ta se na nawu riku akanang. Ne a ni tonong yir iren i ta be̱ be kameneng riye̱.”

aYakub 2:22

yin di yin kuno̱o̱k katsak wu, be itomong wu, ta tseng mak, ne kuno̱o̱k katsak wu shining be ikeng iya wu ta nye.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aRom 5:1

Kamok anong kum yir tan se̱ yir kute gye̱r nasho̱o̱n Adakunom kamok kuno̱o̱k katsak yir, yir sor yir caang be Adakunom kamok Agwo̱m Ágwo̱m yir, aYeso Kiristi.

aRom 2:9

Koangan afe a ta nye ike̱re̱ imaan'e, a tà so̱ risam ne a fok kuro̱'me, a ta san'e be áner aYahuda ne áya sang á ta nye áner aYahuda baꞌ, ni kuus.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

aFilipi 4:7

Be anong ne kameneng riye̱ kuri kuya Adakunom ta nyesek kuya ku ta nar koakye kuri kuren ánerawe, tà sak aye̱ yin be kuto̱ro̱ng yin ta nyeseng kpa natoon aYeso Kiristi.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

aRom 9:23

A nye anong nong a tà tonong agbang kuyiik wu natoon áya wu ta ro̱ riye̱ ba, aya wu tá tsang a sak kum ni ime̱se̱ng'e nong a ta se̱ kuyiik wu.

aRom 9:21

Aser, sang ano̱k nadonong ta kyem a bo̱ rirem naro̱ kazining nong a tin nye kadonong kakak yiik ne a nye kakak fe̱re̱ aꞌa?

Itomong Ámanzo 10:35

A shim koangan a ta se kaye̱e̱r koakye kaben, aya a ta fok inyim wu ne a nye ike̱ng iya i ta se gye̱r.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aLuka 22:14

Izen'e tá fa nye, yong aYeso be ámanzo wu ame sosok nong á tá ya naya.

aLuka 19:42

A tá fe̱ ye, “Akye̱ fa sak wan ren ike̱ng i tana ka be̱e̱n kameneng riye̱ katuur, amma kyo̱o̱rna a ma ka ne̱r yin'e.

aLuka 12:37

I ta sor ike̱ng riye̱ rikan ke atekasa'me be̱ ku se̱ ba an mereng ida baꞌ. Katsak'e ne mi tá ka tak yin, a tu ku sak ba á ta sosok ne a tun ares wu nong a tu ku no̱o̱k ba naya.

aLuka 9:48

Ne a fe̱ be ba ye, “Aner aya ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Aner aya ne a ti shan, i nye ye a shan aya a tin tom, kamok aner afe a ta mees rice wu ye wu raar kaye̱e̱r yin cei, wu ne a nye ayiik'e ne a nar.”

aMatiyu 10:13

Ke áfekasa'me se gye̱r, to̱, yin nye yin aduwa nong ritek Adakunom ta se natoon ba, amma ke áner'e se gye̱r baꞌ, to̱, sang á ta se̱ ritek Adakunom baꞌ.

1 aBitrus 5:4

Nong ase̱ izen iya aKiristi aya a ta nye Agbang Afek ánerawe tana be̱, a ta ka no̱o̱k yin ribong rigwo̱m rife̱ kuyiik riya sang ri tana te rish baꞌ.

aYohana 14:27

Mi ta won yin caang. Kusor caang'i ne ta ka no̱o̱k yin. Sang kyo̱ndi kazatse ta nyesek ne mi ta ka no̱o̱k yin baꞌ. Sang tu daam yin, sang tu fok yin inyim baꞌ.

1 aTimoti 1:17

Won kuyiik ne nakerek tu sor nafu ma izen izen, wu aya a tana sor Agwo̱m ma izen izen, a ta be igak baꞌ, aya sang a ta kyem a ku di baꞌ. Wu ne a ta nye Adakunom wu ze̱r tsek. Anong.

Ibrani 2:7

Wan tú ku nye a ti raar cie̱k na ámaleka, wan tú no̱o̱k rigwo̱m be kuyiik