aRom 16:7 - Izere New Testament

⁷ Nye shou yin Adaronikus ne aZhuniyas, afuri mi á tá se nitso̱m mak be mi. Ba nye agbang'e kaye̱e̱r ámanzo, á tá te afikuus nasho̱o̱n'i.

aRom 16:7 Referans Kwoze

aRom 16:21

aTimoti aferime̱ itomong'i ta nye yin ashou. Anong ne aLushiyos ne aZhaso be aSosipata, ba gip á nye ároneng a ta nye yin ashou.

aRom 16:11

Ku nye shou yin aHirudiya afuri mi. Ku nye shou yin áfekasa aNakisus áya a ta se kaye̱e̱r Agwo̱m Ágwo̱m yir.

aFilimon 1:23

Abafaras afudang'i, i ta se yir nitso̱m mak kamok aYeso Kiristi, ta nye yin ashou.

aKolosi 4:10

Aristakus, aya i ta se yir nitso̱m mak ta nye yin ashou. aMarkus aronyining rifam aBarnabas ta nye yin ashou gip, wu ne yin kun fok yin itak natoon wu, ku shan yin ibo̱k ifa ke a be̱ nufe yin.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

aGalati 1:22

Áfikuus aKiristi á ta se niben aYahuda ti ren baꞌ.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

1 aYohana 4:13

Yir ren yir ye yir se yir kaye̱e̱r wu ne wu se kaye̱e̱r aye̱ yir gip, kamok Adakunom ti no̱o̱k yir Kabik wu Kazhe̱l'e.

aGalati 6:15

Ke kunye izhak be ku won dar kunye'me nye ike̱ng ikak baꞌ, ike̱ng iya i ta nye igbang'e nye nong ta te aner afas.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aGalati 2:6

Amma áya a tá nye áko̱k kasho̱o̱n'e ti barang ike̱ng ikak natoon Rife̱ Ritek mi tá ka taas ba baꞌ, mi fe̱ anong kamok mi daam be kuyiik akak baꞌ, Adakunom daam ye ka wan nye angan'e baꞌ.

2 aKoranti 11:23

Ke ba di ye ba nye ásam aKiristi, mi tu nar ba! (Mi fe̱ kyo̱ndi aner aya rice ta kirik so̱!) Mi n nye itomong ne i ka nar ba, a min tes nitso̱m ne a toos'e, ne a ni whereng dide̱ng, mi n dis riku niren ze̱r ze̱r.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aRom 8:1

Kamok anong, amok bu kuse natoon áya a ta se kaye̱e̱r aYeso Kiristi baꞌ.

aYohana 15:2

Iwhang iya i ta se kaye̱e̱r'i, i tà tes baꞌ a ta te̱se̱ng. Iwhang'e iya i ta tes, ne a nye gye̱r nong i tin barang kutes dide̱ng.

aYohana 14:20

Katuk'ong ne yin tà ren yin ye mi be Ada mi yir se yir azining, ne mi ma te azining be yin.

aYohana 6:56

Koangan afe a ta ya rinam kuro̱m mi ne a so̱ naso̱k'i, ne a sor kaye̱e̱r'e ne mi sor kaye̱e̱r wu.

aGalati 2:2

Mi tseng kamok Adakunom ti tonong ye i ra tseng. Mi su ku taas ba Rife̱ Ritek mi tá taas áner afe sang a tá nye aner aYahuda baꞌ. Amma na kyo̱o̱n mi taas áfe a tá nye áko̱k kasho̱o̱n'e, kamok mi fok inyim ye kashim itomong iya mi ta sen nye'me be ife mi tan nye ta wei kpe̱de̱ng.

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aRom 9:3

Ye a fa fe̱ ye mi be rice mi ne a ti fiming a bun a tin kam be aKiristi nong ároneng afe izere mi ta se̱ kashesh, to̱ tsek,

aRom 16:3

Ku nye shou yin aBiriskila ne Akila, áferime̱ itomong'i kaye̱e̱r aYeso Kiristi.

aRom 16:6

Ku nye shou yin aMarya, aya a tin furku natoon yin dide̱ng.

aRom 16:8

Ku nye shou yin Ampiliyatus, aya a ta nye agbang aferime̱ mi nikuus Agwo̱m Ágwo̱m yir.

aRom 16:9

Ku nye shou yin aUbanas, aferime̱ itomong yir kaye̱e̱r aKiristi, ne agbang afertseng mi aSitakis.

aRom 16:10

Ku nye shou yin Apeles, aya i tá mu ku bo̱mo̱ng an di a be katsak kaye̱e̱r aKiristi. Ku nye shou yin áfekasa Aristobulus.

2 aKoranti 12:2

Mi ren aner akak a tá nye afikuus aKiristi aye̱ kuso̱k be anaas a tá gor, aya Adakunom tú ku sok a tá ngarak'e naza kafe ataar. Mi ren ka a se kaye̱e̱r kuro̱m kuyu ka a ne̱ baꞌ, Adakunom tsek ne a ren.