aRom 16:3 - Izere New Testament

³ Ku nye shou yin aBiriskila ne Akila, áferime̱ itomong'i kaye̱e̱r aYeso Kiristi.

aRom 16:3 Referans Kwoze

2 aTimoti 4:19

Ni nye shou aBiriskila be Akila ne áfekasa Onesiforus.

1 aKoranti 16:19

Áfikuus á ta se niben Asiya ta nye yin ashou. Akila be aBiriskila ne áfikuus á ta nyiis kari ba ta nye yin ashou dide̱ng kaye̱e̱r riyerek Agwo̱m Ágwo̱m.

Itomong Ámanzo 18:26

Ayong a kpaan ku nye awazi Rife̱ Ritek dar inyim kaye̱e̱r kutu aduwa. Nizen iya aBiriskila be Akila tú ku fok, ne á ku yis á ta tseng be wu kari ba nong á tin barang ku kutonong katsak iren Adakunom gye̱r gye̱r.

1 aKoranti 16:16

i ra fok yin áner ayong kuto, cei be áya i ta nye yir itomong mak ne i can yir mak.

aRom 16:9

Ku nye shou yin aUbanas, aferime̱ itomong yir kaye̱e̱r aKiristi, ne agbang afertseng mi aSitakis.

aRom 8:1

Kamok anong, amok bu kuse natoon áya a ta se kaye̱e̱r aYeso Kiristi baꞌ.

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aRom 16:4

A no̱o̱k kutser ba kamok'i. Mi be áfikuus cice̱r áya sang á ta nye áner aYahuda baꞌ, yir be yir riye̱ rikan be ba.

aRom 16:7

Nye shou yin Adaronikus ne aZhuniyas, afuri mi á tá se nitso̱m mak be mi. Ba nye agbang'e kaye̱e̱r ámanzo, á tá te afikuus nasho̱o̱n'i.

aRom 16:10

Ku nye shou yin Apeles, aya i tá mu ku bo̱mo̱ng an di a be katsak kaye̱e̱r aKiristi. Ku nye shou yin áfekasa Aristobulus.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

2 aKoranti 12:2

Mi ren aner akak a tá nye afikuus aKiristi aye̱ kuso̱k be anaas a tá gor, aya Adakunom tú ku sok a tá ngarak'e naza kafe ataar. Mi ren ka a se kaye̱e̱r kuro̱m kuyu ka a ne̱ baꞌ, Adakunom tsek ne a ren.

aGalati 1:22

Áfikuus aKiristi á ta se niben aYahuda ti ren baꞌ.

aFilipi 2:25

Amma mi di, i bun i se gye̱r ta ka tom yin aroneng akak nikuus, Apafuroditus, ne a nye afudang itomong'i. A nye asozha aYeso, i ta sen can yir mak, aya yin tú ku tom yin nunaan nong a tá be̱ a tin se̱ mo nike̱ng iya mi ta tse̱r.

aKolosi 4:11

aYeso, aya a tú ku yis ye aZhostus ta nye yin ashou gip, igak áner aYahuda áya a ta se ni itomong rigwo̱m Adakunom mak be mi'ong.