aRom 16:25 - Izere New Testament

²⁵ Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aRom 16:25 Referans Kwoze

1 aKoranti 2:7

Wayo, yir fe̱ yir itak kukyem Adakunom kuya ku ta se nune̱re̱ng, kuya anerawe ta ren baꞌ, kuya Adakunom tá tsang a sak kum ni ime̱se̱ng'e nong ase̱ yir tin se̱ yir kuyiik.

aRom 2:16

Anong ne i bu se katuk Adakunom tana sak aYeso tana to̱ ike̱re̱ iya anerawe ta ne̱r kaye̱e̱r riye̱ amok, kyo̱ndi mi ta fe̱ kaye̱e̱r Rife̱ Ritek mi tá ka taas yin.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

2 aTasalonika 2:14

Adakunom tá ka yis yin be Rife̱ Ritek'ong, rife yin tá fok yin nufe yir, nong yin tà se̱ yin kuyiik Agwo̱m Ágwo̱m yir aYeso Kiristi.

2 aKoranti 4:3

Ke awazi yir ta taas yir na se kanang baꞌ, to̱, a se kanang baꞌ, kaye̱e̱r aye̱ áya a ta se ni iren kuwei.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

2 aTimoti 2:8

Yiring be aYeso Kiristi aya a tú ku dorok nure̱k, aya a tá nye aner kasa aDauda kyo̱ndi Rife̱ Ritek riya mi tá taas, tá fe̱.

2 aTasalonika 3:3

Amma Agwo̱m Ágwo̱m yir be katsak, a tà ka tsesek yin ne a ka fek yin nubo̱k amaan aner'ong, a ta nye Ishetan.

Afisa 6:19

Nye yin aduwa kamok'i gip, nong ase̱ Adakunom tin no̱o̱k ike̱ng iya mi tana fe̱ nong mi tà taas ánerawe Rife̱ Ritek riya ri ta se nune̱re̱ng dar inyim dim.

aGalati 2:2

Mi tseng kamok Adakunom ti tonong ye i ra tseng. Mi su ku taas ba Rife̱ Ritek mi tá taas áner afe sang a tá nye aner aYahuda baꞌ. Amma na kyo̱o̱n mi taas áfe a tá nye áko̱k kasho̱o̱n'e, kamok mi fok inyim ye kashim itomong iya mi ta sen nye'me be ife mi tan nye ta wei kpe̱de̱ng.

2 aKoranti 4:5

Kamok yir nye yir awazi rife̱ rice yir baꞌ, amma rife̱ aYeso Kiristi a ta nye Agwo̱m Ágwo̱m, aya yir ta nye yir ásam yin kamok wu.

1 aKoranti 1:23

Yir taas yir itak riku aYeso be kutigak wu, iyong sor ike̱ng áner aYahuda ta wor a shim kufok'e baꞌ, ne i sor rifunam nufe aner aya a ta nye aner aYahuda baꞌ.

Itomong Ámanzo 20:32

“Kyo̱o̱rna, mi ta won yin nubo̱k Adakunom. Ritek wu se mak be yin. Wu ta sak yin tin barang yin kukpa agap ne a ka no̱o̱k kutse kaye̱e̱r áner aya wu ta sak an te zhe̱l.

Itomong Ámanzo 9:20

Ashawulu wor a kpaan kunye awazi aYeso kaye̱e̱r atu aduwa áner aYahuda ye aYeso nye Igon Adakunom.

aMatiyu 13:35

aYeso nye anong, nong a ta shining ike̱ng aner kuzarap akak ta fe̱ ye, “Mi tà fe̱ kanu be kumaas nizen iya mi ta sen fe̱ be ba. Mi tù ku taas ba ike̱re̱ iya a tá tsang a ka ne̱r ba'me gbugbang kum nizen a ta nye kazatse.”

aMatiyu 13:17

Katsak'e ne mi ta ka tak yin, áner kuzarap whe̱re̱ ne áya a ta se gye̱r nasho̱o̱n Adakunom shim ke á di ike̱re̱ yin ta ye̱re̱k yin, á ra di baꞌ, ne á foos ike̱re̱ yin ta foos yin, á ra fok baꞌ.

1 aBitrus 1:20

Wu ne Adakunom tsang a ku kasa nizham a ta ra nye kazatse, amma kamok yin ne a tu tonong nizen igang'e na.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

Afisa 3:11

Iyong se tite̱re̱ be kushim riye̱ Adakunom kuya a tá nye kanye̱k'e kum nizham a ta ra nye kazatse, a shining be Agwo̱m Ágwo̱m yir aYeso Kiristi.

1 aKoranti 4:1

Kamok anong ni sok yir kyo̱ndi ásam aKiristi, áya Adakunom tú ku won ba ike̱re̱ wu iya i ta se nune̱re̱ng nubo̱k.

aRom 14:4

Wan nye angan tana to̱ asam akak amok e̱? Asam'me tu nye itomong itek, ka a tu won dar a nye, iyong nye itomong atekasa wu. A tà nye itomong itek kamok Agwo̱m Ágwo̱m tu ku se̱ mo a ta nye itomong'e.

1 aTasalonika 3:13

Won wu tu sak yin tu nyeseng yin be agap kaye̱e̱r aye̱ yin ne i sor yin zhe̱l, fan ákak bu fe̱ ike̱ng ikak imaan'e natoon yin nasho̱o̱n Ada yir Adakunom nizen Agwo̱m Ágwo̱m yir tana bun a be̱ mak be ázhe̱l'e áfu cice̱r.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

aRom 16:24

[Ritek Agwo̱m Ágwo̱m yir aYeso Kiristi se mak be yin cice̱r. Anong!]

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

aKolosi 4:3

Nye yin aduwa kamok yir gip, nong ase̱ Adakunom tin karak yir iren kutaas rife̱ wu nong ta taas yir kanye̱k aKiristi kaya ka ta se nune̱re̱ng kafe sang akak ta ren baꞌ, kamok anong ne a min te nitso̱m.

Ike̱ng a ta tonong aYohana 10:7

Amma nizen iya amaleka afe kanataar tana fe̱e̱p rigba rifu, nizen iyong ne Adakunom ta taas koakye ike̱ng wu ta tsang a fe̱ be áner kuzarap wu.”

aMatiyu 20:7

“Á fe̱ ye, ‘Kamok sang akak ti no̱o̱k yir itomong baꞌ.’ “Ayong a fe̱ be ba ye, ‘Yin gip, tseng yin riko̱ mi.’