aRom 16:2 - Izere New Testament

² Ku shan yin kaye̱e̱r riyerek Agwo̱m Ágwo̱m yir ni iren i ta se gye̱r ke a shan azhe̱l'e. Ku tobok yin ke a tse̱r ike̱ng ikak nufe yin kamok an tobok ánerawe whe̱re̱ be mi gip.

aRom 16:2 Referans Kwoze

aFilipi 2:29

Ku shan yin kaye̱e̱r riyerek Agwo̱m Ágwo̱m yir aYeso be riye̱ rikan dide̱ng. Mi shim yin tu tiyiik yin áner aya a ta se kyo̱ndi wu anong gip,

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

2 aYohana 1:10

Ke aner akak be̱ nufe yin amma a bo̱so̱p rife̱ na baꞌ, tu tseng yin be wu na nasa yin baꞌ, ka tu ku nye yin ashou baꞌ.

aFilimon 1:17

Kamok anong ke wan ti sok ye mi nye afudang itomong wan, to̱, kushan ibo̱k ifa kyo̱ndi wan tanin shan mi.

aFilimon 1:12

Mi bun i sen ku tom nufuan, wu aya a ta nye itsam riye̱ mi.

aTitus 2:3

Anong ne anyako, kubo̱so̱p ba'me ye á ra nye kusor kuri kuya ku ta tas kufe ányining áya a ta nye afikuus, sang a tu be imok ka áya a ta mak á so̱ ike̱re̱ ma a ta feng'e baꞌ, amma á ra bo̱so̱p ánerawe ike̱ng iya i ta nye katsak.

2 aTimoti 1:18

Mi mok ye Agwo̱m Ágwo̱m ta sak Katuk kayong aOnesiforus ta se̱ ritek nufu. Ei, wan ren tseng tseng kuri itomong iya wu tin nye'me na Afisa.

1 aTimoti 2:10

Amma á ra nye kunye kutek, kamok i se gye̱r be ányining aya a ta fe̱ ye ba fok inyim Adakunom.

aKolosi 4:10

Aristakus, aya i ta se yir nitso̱m mak ta nye yin ashou. aMarkus aronyining rifam aBarnabas ta nye yin ashou gip, wu ne yin kun fok yin itak natoon wu, ku shan yin ibo̱k ifa ke a be̱ nufe yin.

Afisa 5:3

Kum yin ta nye yin áfe Adakunom, sang a tu fok itak rikuna kaye̱e̱r yin, ko cie̱k baꞌ, ka kunye ike̱re̱ isum ka rinyisi rikan kaye̱e̱r yin baꞌ, kamok ike̱re̱ kuri iyong nye itek kaye̱e̱r ánerawe Adakunom ázhe̱l'e baꞌ.

aRom 16:23

aGayus aya a tin sak kari wu, aya áfikuus cice̱r ta nyiis kari wu, ta nye yin ashou. Arastus a ta saas itso̱m agbang kuwo̱p ne aronyining yir aKpatus ta nye yin ashou.

aRom 16:9

Ku nye shou yin aUbanas, aferime̱ itomong yir kaye̱e̱r aKiristi, ne agbang afertseng mi aSitakis.

aRom 16:6

Ku nye shou yin aMarya, aya a tin furku natoon yin dide̱ng.

aRom 15:7

Naka yiir yin ibo̱k ifa kyo̱ndi aKiristi ta ka yiir yin nong ase̱ Adakunom ta se̱ nakerek.

Itomong Ámanzo 9:41

aBitrus nabak kubo̱k nong a tú ku se̱ mo a tá nyeseng. Iyong a yis áfikuus ne ákumung ame a tú ku no̱o̱k ba aTabita be kutser.

Itomong Ámanzo 9:39

Ayong aBitrus dorok a tá ka kuus ba. A tá fa no̱ ne a tseng be wu nutu ku ta se natoon'e ame. Ákumung akak whe̱re̱ mu ku gorok be nanak. Á tos ne a ku tosong ares kute áya aTabita tú ku tos ba'me ne a ru nye atser.

Itomong Ámanzo 9:36

Abining akak tuse na aZhopa a tá nye abafe ifikuus'e, riyerek wu nye aTabita (ke a kirik'e ne a te aDokas). A tonong kuse kutek koakye izen ne a tobok áfe rizor.

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

Itomong Ámanzo 9:13

Amma Ananiya fe̱ ye, “Agwo̱m Ágwo̱m, ánerawe whe̱re̱ min taas itak aner na be kuri kunyeen a tá nyeen ázhe̱l'e na aUshalima.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

aRom 16:15

Ku nye shou yin aFilologus ne aZhuliya be aNeriyus ne angasnyining wu, ne aOlimfas be ázhe̱l'e cice̱r áya a ta se mak be ba.