aRom 16:13 - Izere New Testament

¹³ Ku nye shou yin aRufus aya Agwo̱m Ágwo̱m ta kasa a ta sor afu, ne anyining wu aya a ta se kyo̱ndi ango̱ mi gip.

aRom 16:13 Referans Kwoze

2 aYohana 1:1

Mi, ako̱k kasho̱o̱n ikilisiya, angasneng be inoon wan Adakunom tá ka kasa nong tu ku kuus. Mi ta shim yin be riye̱ rizining. Mi tsek ne i ta shim yin baꞌ, cice̱r áya a ta ren katsak natoon Adakunom ta shim yin.

1 aTimoti 5:2

Nye be anyako kyo̱ndi á nye ángo̱ wan, nye be nanamang kyo̱ndi ángasnyining wan be kuto̱ro̱ng kutek natoon ba.

aMarkus 15:21

Á tá se be kutseng ne a nyim be aner aSirin akak, a tú ku yis ye aSiman, atek Alekzanda ne aRufus, a ta ne nutseng wu, ne ásozha ame ku sak ye, ma a ra cer kakon a tanin tigak aYeso ame.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

2 aTasalonika 2:13

Ároneng, gye̱r ke yir nye yir riye̱ rikan be Adakunom ye̱r ye̱r kamok yin, yin áya Agwo̱m Ágwo̱m ta shim kamok kum ni ime̱se̱ng'e Adakunom tá kasa yin nong ta se̱ yin kashesh ne ku te zhe̱l kamok itomong Kabik ne kamok kuno̱o̱k katsak yin be agap.

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

aYohana 19:27

Ne a fe̱ be alimazhiri'me ye, “Ango̱ wan'ong.” Kum nizen iyong álimazhiri'me tseng be anyining aYeso'me kari wu.

aMarkus 3:35

Koangan afe a ta nye ike̱ng iya Adakunom ta shim, nye ango̱ mi ne áronyining'i ne ángasnyining'i.”

aMatiyu 20:16

“Be anong,” aYeso fe̱ ye, “Áfe igang'e tà te áfe ime̱se̱ng'e ne áfe ime̱se̱ng'e tà te áfe igang'e.”

aRom 16:12

Ku nye shou yin aTirafena ne aTirafosa, ányining'ong á ta furku ni itomong Agwo̱m Ágwo̱m yir. Bun i ku nye shou yin agbang afertseng'i aPasis, abining'ong gip a furku ni itomong Agwo̱m Ágwo̱m yir.

aRom 16:14

Ku nye shou yin Asinkiritus ne aFiligon be aHames ne aPaturobas be aHamas ne ároneng áya a ta se mak be ba.