aRom 15:8 - Izere New Testament

⁸ Kamok mi sen ka tak yin ye ike̱ng i ta sak aKiristi tá aner aya a tá nye áner aYahuda itomong, se nong a tá tonong katsak rife̱ Adakunom, nong ase̱ ike̱ng iya Adakunom tá fe̱ ye a tá nye gbugbang be átukop yir, ta shining

aRom 15:8 Referans Kwoze

aMatiyu 15:24

A fe̱ be ba ye, “A ti tom nufe itsamang Isarela iya i ta wei tsek.”

aYohana 1:11

A be̱ nufe iya i tá nye afu, amma áfu'me tu ku shan baꞌ.

2 aKoranti 1:20

Kamok be wu ne Adakunom shining ike̱re̱ wu tá tsang a fe̱ ye wu tá nye cei. Iyong ne i sak kaye̱e̱r riyerek wu ne yir fe̱ yir ye, “Anong,” nong tin tiyiik yir riyerek Adakunom.

aYohana 10:16

Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

aRom 3:3

Amma, ke ákak ba ti no̱o̱k katsak baꞌ, ne̱? Ku won dar kuno̱o̱k katsak ba tà sak katsak Adakunom ta te kpe̱de̱ng a?

Afisa 2:12

Yiring yin nizen iyong, yin tsang i se yin mak be aKiristi baꞌ, a ta sok yin ye yin nye yin áner Isarela baꞌ, ye, yin be yin ike̱ng ikak kaye̱e̱r kushu Adakunom tá nye be átukop yir baꞌ. Kaye̱e̱r kazatse na yin se yin dar kute riye̱ ne yin be yin Adakunom baꞌ.

aRom 11:30

Kamok kyo̱ndi yin tá tsang i kuus yin rife̱ Adakunom baꞌ, amma kyo̱o̱rna yin se̱ yin kuro̱ riye̱ Adakunom kamok kushonong áner aYahuda.

aRom 11:22

Aze yir di yir Adakunom be kuro̱ riye̱ ne a se nye̱k nye̱k. A se nye̱k nye̱k be áya a ta kpas, amma a ro̱ riye̱ wan ke wan ya kasho̱o̱n kaye̱e̱r kuro̱ riye̱ wu. Ke anong baꞌ, wan gip a tà ka tun kaye̱e̱r ritin'e.

aRom 4:16

Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

aRom 3:26

Be anong ne Adakunom tonong nizen na ye wu be rice wu nye aner katsak ne kuse kutek, nong a ta tonong katsak'e ne a sak koangan afe a tin no̱o̱k katsak na aYeso a ta te aner a ta se gye̱r nasho̱o̱n wu.

Itomong Ámanzo 13:46

Iyong aBulus be aBarnabas fe̱ be ba be riye̱ rizining ye, “Gye̱r ke yir san ku ka taas yin rife̱ Adakunom nizham. Kum yin ta gaar yin i ta tonong yin kaye̱e̱r kuse yin ye yin raar yin tana se̱ yin kutser kufe izen izen, iyong ne i sak ta ka won yin i ta kirik nufe áner aya a ta nye áner aYahuda baꞌ.

1 aKoranti 15:50

Ároneng ike̱ng mi ta sen fe̱ be yin na ye, kuro̱m kufe naso̱k be rinam tà no̱ kaye̱e̱r rigwo̱m Adakunom baꞌ. Anong ne ife i ta bus tà se̱ kutse kaye̱e̱r ife i ta won dar i bus baꞌ.

1 aKoranti 10:29

Mi ti fe̱ natoon kuto̱ro̱ng kufuan baꞌ, amma kufu. Akak ta kyem a fe̱ ye, “To̱, akye̱ tin roon kunye ike̱ng iya riye̱ mi ta shim kamok riye̱ akak ta se gak e̱?”

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

1 aKoranti 10:19

Sang mi fe̱ ye asidaka itsi nye ike̱ng itek baꞌ, ka itsi nye ike̱ng ikak baꞌ.

1 aKoranti 1:12

Ike̱ng iya mi tin fe̱'me nye, koangan yin fe̱ ike̱ng ikak ze̱r, “Akak fe̱ ye, Mi kuus aBulus,” ne akak fe̱ ye, “Mi kuus Apolos,” ne akak fe̱ ye, “Mi kuus aKefas,” ne akak bun a fe̱ ye, “Mi kuus aKiristi.”