aRom 15:6 - Izere New Testament

⁶ Be anong ne yin ta tiyiik yin Adakunom a ta nye Ada aYeso Kiristi Agwo̱m Ágwo̱m yir be riye̱ rizining ne kanu kazining.

aRom 15:6 Referans Kwoze

Ike̱ng a ta tonong aYohana 1:6

Wu ne a bun a tin sak yir i ta te yir áner aya wu tin nye rigwo̱m ne i te yir átsi kunye Adakunom a ta nye Ada itomong. Kamok anong won kuyiik be kukyem tu sor kufu ma izen izen. Anong!

Afisa 1:3

Nakerek nye nafe Adakunom ne a bun a nye Ada Agwo̱m Ágwo̱m yir aYeso Kiristi, aya a tin no̱o̱k yir ritek kaye̱e̱r rigwo̱m wu kaye̱e̱r kaza ne a bun a tin no̱o̱k yir koakye kuri ritek kufe kabik.

Itomong Ámanzo 4:24

Nizen iyu á tá fok anong ne á nyim rice á tá ta kuto̱ naza á ta nye aduwa nasho̱o̱n Adakunom ye, “Agbang Agwo̱m Ágwo̱m, wan afe i ta nye kaza be kaben ne isho̱ng be koakye ike̱ng i ta se kaye̱e̱r'e.

2 aKoranti 11:31

Adakunom ne a nye Ada Agwo̱m Ágwo̱m yir aYeso, aya a tana ku kerek ma izen izen, ren ye mi sen bo̱s abo̱o̱s baꞌ.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

2 aKoranti 1:3

Nakerek nye nafe Adakunom, wu ne a ta nye Ada Agwo̱m Ágwo̱m yir aYeso Kiristi, ne Ada aya a ta be kuro̱ riye̱ dide̱ng, ne a nye Adakunom aya a ta tsesek ánerawe cice̱r.

Itomong Ámanzo 4:32

Áfikuus cice̱r be kuto̱ro̱ng kuzining ne kudi ba kuzining. Ko akak sok ye ike̱ng iya wu tá be nye ifu wu ze̱e̱r baꞌ. Koangan ba kasap koakye ike̱ng iya aner'e ta be be áfudang wu.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

Afisa 1:17

Mi yiir kunye aduwa ye Adakunom afe Agwo̱m Ágwo̱m yir aYeso Kiristi, Ada yir ayiik'e ye a ra ka no̱o̱k yin kabik kafe kukyem ne kafe kuren ike̱ng nong ase̱ yin tù ku ren yin dide̱ng.

aKolosi 1:3

Yir tonong yir Adakunom riye̱ rikan yir ye̱rye̱r, Ada Agwo̱m Ágwo̱m yir aYeso Kiristi, nizen iya yir tá sen nye yir aduwa kamok yin.