aRom 15:4 - Izere New Testament

⁴ Koakye ike̱ng iya a tá zibir gbugbang, a zibir nong a tin bo̱so̱p yir'e, nong ase̱ rife̱ Adakunom tin bo̱so̱p yir kutsesek nong ta se̱ yir ike̱ng tanin te yir riye̱.

aRom 15:4 Referans Kwoze

1 aKoranti 10:11

Ike̱re̱ na tá se̱ ba nong i tin tonong yir ike̱ng ikak. A zibir kaye̱e̱r kufumung rife̱ Adakunom nong a tin ko̱ro̱k yir kuto, a fe̱ ike̱re̱ na natoon yir i ta se yir nizen igang kazatse.

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

1 aBitrus 1:13

Kamok anong, nye yin kanye̱k kaye̱e̱r aye̱ yin kamok itomong: yiir yin rice yin, ne i ni te yin riye̱ dide̱ng natoon ritek riya a tana ka no̱o̱k yin katuk kaya a tana tonong aYeso Kiristi.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.