aRom 15:3 - Izere New Testament

³ Kamok aKiristi be rice wu gip, a naka kare̱p riye̱ baꞌ. Kyo̱ndi i ta se ni izibir ye, “Ritok ákak ta ka kas ti bun ni mi.”

aRom 15:3 Referans Kwoze

aFilipi 2:8

Nizen iya a tá be̱ kaye̱e̱r kuro̱m anerawe, a mees rice wu, ma a no̱o̱k rice wu a ku, a kuus ike̱ng iya Adakunom tá shim, a tú kutigak nukon ma a ku natoon kukon'e.

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.

aYohana 5:30

Mi kyem i nye ike̱ng ikak be rice mi ze̱r baꞌ. Mi to̱ amok'i kyo̱ndi Adakunom tin tak ye i ra nye. Kamok anong amok'i nye afe katsak, kamok mi nye ike̱ng mi ta shim tsek baꞌ, amma ife aya a tin tom.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aYohana 8:29

Aya a tin tom se be mi; a ti won mi ka ma mi baꞌ, kamok mi nye koakye riye̱ wu tá shim.”

aMatiyu 26:42

Ayong a bun a tú ku bun i nye aduwa'me afe afa ne a fe̱ ye, “Ada, ke risam na ta kyem ri tin gor baꞌ, to̱, ne wan nye ike̱ng iya wan ta shim.”

aMatiyu 10:25

I ta se gye̱r aner a ta sen bo̱so̱p'e ta se kyo̱ndi aner a tu ku bo̱so̱p'e, ne asam te kyo̱ndi atekasa wu. Ke ba fe̱ be atekasa'me ye a nye aBazabul, to̱, a ta fe̱ ane̱ be aner kasa wu e̱?

aYohana 15:24

Mi nye ike̱ng dide̱ng iya ánerawe tá baꞌ, kaye̱e̱r ba. Ke a fa fe̱ ye mi nye ba', ke a di rine̱n ba baꞌ. Amma kyo̱o̱rna ba n di itomong azhing iya mi tá nye, gip be anong, ba ti ramin ne á raba Ada mi.

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

aMatiyu 26:39

Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

aMatiyu 27:44

Anong ne ágbang akpatang aya a tú ku tigak ba mak be wu fe̱ kye̱re̱ gip.

aFilipi 2:5

Kuse yin tu se kyo̱ndi kufe aYeso Kiristi.