aRom 15:16 - Izere New Testament

¹⁶ nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

aRom 15:16 Referans Kwoze

aRom 11:13

To̱, yin áya sang i ta nye yin áner aYahuda baꞌ, mi fe̱ be yin. Kum mi ta nye amanzo nufe yin, mi tin ya kuka ni itomong'i.

aRom 1:1

Mi, aBulus i ta nye asam aYeso Kiristi, aya a tin yis nong tá te amanzo wu ne a ti kasa nong ta taas Rife̱ Ritek Adakunom.

aFilipi 2:17

Ei, i se gye̱r, mi ta nye riye̱ rikan be yin, a fa nyosong naso̱k'i natoon asidaka yin ne natoon itomong kuno̱o̱k katsak yin, gip be anong mi be riye̱ rikan be yin.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

2 aTimoti 1:11

Kamok Rife̱ Ritek'e ne Adakunom ti kasa mi nong tá te aner kunye awazi ne i te amanzo ne i te aner kubo̱so̱p ánerawe'me.

1 aTimoti 1:11

Kubo̱so̱p na se natoon ayiik Rife̱ Ritek Adakunom aya ánerawe tu ku kerek, a tin won'e nubo̱k nong ta no̱o̱k ákak.

Ibrani 13:16

Sang tu won ku naka tobok yin ne i naka nye yir ritek baꞌ, kamok riye̱ Adakunom kare̱p be asidaka kuri ayong.

aRom 15:18

Mi ta kyem i nye riye̱ ritser nong tin fe̱ ike̱ng ikak natoon'e baꞌ, ma ke ike̱ng iya aKiristi tin sak mi tan nye. Ike̱ng mi ta nye'me nye mi ta be̱e̱n áya sang á ta nye áner aYahuda baꞌ, ta kuus Adakunom kamok rife̱ mi be kunye mi,

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

1 aTimoti 2:7

Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

2 aKoranti 5:20

Kamok anong, yir nye yir áner á ta se rice aKiristi. Yir ta nye yin izong kaye̱e̱r riyerek aKiristi kyo̱ndi Adakunom be rice wu ne a sen fe̱ be yin ye, i ra te yin áferime̱ Adakunom.

1 aKoranti 4:1

Kamok anong ni sok yir kyo̱ndi ásam aKiristi, áya Adakunom tú ku won ba ike̱re̱ wu iya i ta se nune̱re̱ng nubo̱k.

1 aBitrus 2:5

Yin gip, ma te yin kyo̱ndi kuta rino̱k kutser a tanin no̱k kasa kuri kafe kabik nong yin ta nye yin itomong ritsi rizhe̱l'e. Yin ta nye yin asidaka kabik azong kuri aya Adakunom ta shim kamok aYeso Kiristi.

1 aBitrus 1:12

Adakunom tú ku tak ba ye sang ba nye itomong rice ba baꞌ, amma á tá nye yin'e nizen ba tá nye kuzarap'ong cice̱r. Kyo̱o̱rna áya a tá ka taas yin Rife̱ Ritek na, á tá ka taas yin kyo̱ndi Kabik Kazhe̱l'e kaya Adakunom tá tom'e kaye̱e̱r kaza ta ka tees ba. Ámaleka gip á shim kuren ike̱re̱ na dide̱ng.

1 aTasalonika 5:23

Won Adakunom be rice wu aya a ta nyesek kameneng riye̱ tu sak yin tu sor yin zhe̱l kaye̱e̱r koakye kuri iren. Won kabik yin cice̱r be aye̱ yin ne iro̱m yin tu sor gugo̱k be rine̱n ma katuk kube̱ Agwo̱m Ágwo̱m yir aYeso Kiristi.

1 aTasalonika 2:9

Ároneng, mi ren tse̱ng tse̱ng ye yin ru yiring yin be kuri itomong ne risam yir tá so̱ yir. I nye yir itomong katuk be kunom kamok fan i ba ka no̱o̱k yin risam nizen yir tá sen ka nye yin awazi Rife̱ Ritek.

1 aTasalonika 2:2

Amma kyo̱ndi yin tá ren yin ye yir so̱ yir risam ne á ni kas yir na aFilipi gip be anong Adakunom yir ti tsesek yir nong tá ka tak yin Rife̱ Ritek wu, cei be kuri amaan rishishim á tá shishim yir.

aFilipi 4:18

A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.

Afisa 2:22

Natoon wu ne a ta sak yin mak gip nong ta te yin karo̱ kusor Adakunom kamok kukyem be Kabik wu.

Afisa 2:18

Kamok wu ne yir ti se̱ yir iren ku be nufe Ada, iren izining, iya ita se kaye̱e̱r Kabik.

aGalati 3:5

Adakunom ta ka no̱o̱k yin Kabik wu ne a nye itomong azhing kaye̱e̱r yin, kamok yin ta kuus yin Itsi ka kamok yin tin no̱o̱k yin katsak nike̱ng yin tá fok yin e̱?

2 aKoranti 11:23

Ke ba di ye ba nye ásam aKiristi, mi tu nar ba! (Mi fe̱ kyo̱ndi aner aya rice ta kirik so̱!) Mi n nye itomong ne i ka nar ba, a min tes nitso̱m ne a toos'e, ne a ni whereng dide̱ng, mi n dis riku niren ze̱r ze̱r.

2 aKoranti 8:5

Ba nye kyo̱ndi yir ta tsang i sok yir kaye̱e̱r aye̱ yir baꞌ. Amma ni ime̱se̱ng'e, á no̱o̱k Agwo̱m Ágwo̱m ace ba, nama anong ne á ma no̱o̱k ace ba kamok yir kyo̱ndi Adakunom ta shim.

1 aKoranti 6:19

Yin ren yin ye kuro̱m yin nye karo̱ kusor Kabik Kazhe̱l'e aꞌa? Wu ne a se kaye̱e̱r yin, aya Adakunom tá ka no̱o̱k yin aꞌa? Yin sor yin kusor rice yin baꞌ,

1 aKoranti 3:5

Angan ne a nye Apolos nigaan'e e̱? aBulus nye angan kuruk e̱? Yir nye yir ásam Adakunom tsek, áya a ta sak yin tin no̱o̱k yin katsak, kamok Adakunom no̱o̱k koangan itomong a tana kunye'me.

aRom 15:29

Mi ren nizen iya mi tana be̱ nufe yin, mi tà be̱ be agbang ritek Kiristi.

aRom 5:5

Kute riye̱'me tin sak yir ta no̱ yir nisum baꞌ, kamok Adakunom sak Kabik Kazhe̱l'e tin no̱o̱k yir kushim wu whe̱re̱ kaye̱e̱r aye̱ yir.

Itomong Ámanzo 22:21

“Iyong Agwo̱m Ágwo̱m'me fe̱ be mi ye, ‘Mi ta ka tom tsik nufe áner aya sang a ta nye áner aYahuda baꞌ.’ ”

Itomong Ámanzo 20:32

“Kyo̱o̱rna, mi ta won yin nubo̱k Adakunom. Ritek wu se mak be yin. Wu ta sak yin tin barang yin kukpa agap ne a ka no̱o̱k kutse kaye̱e̱r áner aya wu ta sak an te zhe̱l.

Itomong Ámanzo 13:2

Nizen ba tá sen ya Adakunom iben ne á nye azumi yong Kabik Kazhe̱l'e fe̱ be ba ye, “Ni sak yin aBarnabas be Ashawulu nukim nong ase̱ á tin nye itomong iya mi tan sak ye ba tin nye'me.”

aRom 15:19

kaye̱e̱r kukyem kunye ike̱re̱ azhing ne itomong azhing, kaye̱e̱r kukyem Kabik. Kum a ta san'e na aUshalima ma a gorok'e ma na Ilirikum, mi taas Rife̱ Ritek natoon aKiristi cei.

aRom 15:20

Koakye izen mi shim ke mi se taas Rife̱ Ritek naro̱ kaya sang a ta ren aKiristi baꞌ, nong fan i bu se kyo̱ndi mi bun i sen no̱k natoon ribor akak.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.