aRom 15:1 - Izere New Testament

¹ Yir afe kuno̱o̱k katsak yir ta be agap won i tu tobok yir aya a ta be agap nabik baꞌ, sang i tu nye yir ike̱re̱ iya i tin se yir gye̱r tsek baꞌ.

aRom 15:1 Referans Kwoze

1 aTasalonika 5:14

Yir bun i ka yis yin ároneng, zhe̱she̱k yin áya sang á ta shim kunye itomong baꞌ, tsesek yin áya a ta be kutsesek baꞌ, tobok yin áya sang á ta be agap baꞌ, se yin whiwhe̱ be koangan.

aRom 14:1

Shan yin aner aya sang kuno̱o̱k katsak wu tan kpa agap baꞌ, amma tu ku tser yin be rine̱n ike̱ng ikak ke kuto̱ro̱ng wu se ze̱e̱r be kufe yin baꞌ.

1 aKoranti 9:22

Nizen iya mi ta se be áner aya a ta be agap nabik baꞌ, mi sok rice mi kyo̱ndi aner a ta be agap nabik baꞌ, nong ase̱ ta ko̱ro̱k aye̱ ba. Mi kirik kuse nasho̱o̱n iriri ánerawe nong ase̱ ta nye koakye mi tana kyem i nye nong ta shesh ákak ba.

1 aYohana 2:14

Mi ta zibir yin'e, aya i tan kyem yin ánerawe nabik kamok yin ren yin aKiristi'me aya a tá se kum ni ime̱se̱ng'e. Mi ta zibir yin'e, aya i ta ru nye yin acam nabik kamok yin be yin agap nikuus Adakunom ne rife̱ Adakunom'me kuse naye̱ yin. Yin n canang yin Ishetan a ta nye Amaan Aner.

2 aTimoti 2:1

Kamok anong, wan igon'i, nyeseng kpa kaye̱e̱r ritek riya ri ta se kaye̱e̱r aYeso Kiristi.

aRom 4:20

Riye̱ se gak be kuno̱o̱k kuto̱ Adakunom nong a ta won dar a ni no̱o̱k katsak baꞌ, amma a ti barang kukpa agap kaye̱e̱r kuno̱o̱k katsak wu ne a no̱o̱k Adakunom kuyiik.

Afisa 6:10

Ni igang'e cice̱r, nyeseng yin be agap kaye̱e̱r Agwo̱m Ágwo̱m be agbang kukyem wu.

2 aKoranti 12:10

Iyong ne i sak, kamok aKiristi, mi nye riye̱ rikan kaye̱e̱r kuraar'i, be ritok, ne risam mi ta so̱ ne kuri kutabak a tin tabak, be kuri kufirik a tin firik. Kamok nizen iya ne mi se kaye̱e̱r kuraar ne mi se̱ agap.

1 aKoranti 4:10

Yir te yir afunam'e kamok aKiristi, yin di yin ye yin be yin ritseng kamok aKiristi. Yir yo̱mo̱ng yir, yin be yin agap. Ánerawe ta ka tiyiik yin, ne á ni zhe̱e̱sh yir.

aRom 14:2

Kuno̱o̱k katsak akak, tu ku won a ta ya koakye ike̱ng wu ta se̱, amma aner aya kuno̱o̱k katsak wu ta be̱ agap baꞌ, ya awan rikon tsek.

aFilipi 2:4

Sang tu daam yin be rice yin tsek baꞌ, amma daam yin be áfudang yin gip.