aRom 14:8 - Izere New Testament

⁸ Ke yir sor yir be kutser, to̱, i sor yir kamok Agwo̱m Ágwo̱m, ke i kus yir, to̱, i kus yir kamok Agwo̱m Ágwo̱m. Kamok anong, yir tu sor yir be kutser ka i tu kus yir, yir nye yir afe Agwo̱m Ágwo̱m.

aRom 14:8 Referans Kwoze

aFilipi 1:20

Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

1 aTasalonika 5:10

A ku kamok yir, nong ase̱ ko yir tuse yir nida ka yir tu di yir karo̱, yir tà sor yir mak be wu.

1 aKoranti 15:23

Koangan nizen ifu, aKiristi afe ime̱se̱ng'e a tu ku dorok, nama nizen iya a tana be̱, áfe a tú ku kuus, a tù ku dorok ba.

Itomong Ámanzo 21:13

Iyong aBulus fe̱ ye, “Akye̱ sak yin tos yin e̱? Yin tse̱r yin ikap'i ta te̱r a? Mi n no̱o̱k riye̱ mi sang kamok a tin rosom tsek baꞌ, ko a tin fe̱r na aUshalima kamok riyerek aYeso a ta nye Agwo̱m Ágwo̱m gip, to̱ tsek.”

Ike̱ng a ta tonong aYohana 14:13

Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

aFilipi 2:17

Ei, i se gye̱r, mi ta nye riye̱ rikan be yin, a fa nyosong naso̱k'i natoon asidaka yin ne natoon itomong kuno̱o̱k katsak yin, gip be anong mi be riye̱ rikan be yin.

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

aFilipi 2:30

kamok cie̱k ke a ku kamok itomong aKiristi. A no̱o̱k rice wu nong a tin tobok niren iya yin tá kyem yin baꞌ.

Itomong Ámanzo 13:36

“Nizen iya aDauda ta nye itomong Adakunom ta shim, a ta fa ku ne a ku ne̱r naro̱ a ta ne̱se̱k átukop wu, kuro̱m wu bus.

aYohana 21:19

aYeso fe̱ anong, nong a ta tonong kuri riku aBitrus tana ku nong a tin tiyiik Adakunom. Nama rife̱ na, aYeso fe̱ be aBitrus ye, “Ni kuus!”

aLuka 20:38

Iyu tonong ye A nye Adakunom ikom baꞌ, amma Adakunom áfe a ta nye atser.”