aRom 14:1 - Izere New Testament

¹ Shan yin aner aya sang kuno̱o̱k katsak wu tan kpa agap baꞌ, amma tu ku tser yin be rine̱n ike̱ng ikak ke kuto̱ro̱ng wu se ze̱e̱r be kufe yin baꞌ.

aRom 14:1 Referans Kwoze

aRom 15:1

Yir afe kuno̱o̱k katsak yir ta be agap won i tu tobok yir aya a ta be agap nabik baꞌ, sang i tu nye yir ike̱re̱ iya i tin se yir gye̱r tsek baꞌ.

1 aKoranti 9:22

Nizen iya mi ta se be áner aya a ta be agap nabik baꞌ, mi sok rice mi kyo̱ndi aner a ta be agap nabik baꞌ, nong ase̱ ta ko̱ro̱k aye̱ ba. Mi kirik kuse nasho̱o̱n iriri ánerawe nong ase̱ ta nye koakye mi tana kyem i nye nong ta shesh ákak ba.

aRom 15:7

Naka yiir yin ibo̱k ifa kyo̱ndi aKiristi ta ka yiir yin nong ase̱ Adakunom ta se̱ nakerek.

aRom 14:21

I nar ta gaar kuya rinam ka kuso̱ ashi anap, ka ta nye ike̱ng ikak i tana sak afudang wu tana kpa.

2 aYohana 1:10

Ke aner akak be̱ nufe yin amma a bo̱so̱p rife̱ na baꞌ, tu tseng yin be wu na nasa yin baꞌ, ka tu ku nye yin ashou baꞌ.

aRom 4:19

Nizen iyong Ibrahim be aye̱ kyo̱ndi kuso̱k inyak, agap tsang a gang gye̱r tatan kamok a tá tsang a kop amma a shirim kaye̱e̱r kuno̱o̱k katsak wu baꞌ, ka ye izen aSaratu tana bun a tes tsang i gor baꞌ.

aLuka 17:2

I ta nar ke a tu rosom kuta ako̱ nuto̱ nong a tu ku barak kaye̱e̱r agbang kudung be a tana sak azining kaye̱e̱r ázhizhe̱k'e na tana nye rine̱n.

aMatiyu 14:31

aYeso wor a nabak kubo̱k zizirik a tú ku ko̱ro̱k. Ne a fe̱ be wu ye, “Wan afe kuno̱o̱k katsak wan ta gop baꞌ. Akye̱ sak riye̱ wan se gak e̱?”

aMatiyu 12:20

A tà bur ike̱ng i tan te gordok baꞌ, ko a tà riming kuro̱ng kuya ku tan be̱ barak ku ta ku baꞌ, ma katsak'e wuruk kanang.

aFilipi 2:29

Ku shan yin kaye̱e̱r riyerek Agwo̱m Ágwo̱m yir aYeso be riye̱ rikan dide̱ng. Mi shim yin tu tiyiik yin áner aya a ta se kyo̱ndi wu anong gip,

aYohana 13:20

Katsak'e ne mi ta ka tak yin, aner aya ne a shan koangan afe mi tu ku tom be riye̱ rizining, i nye ye a ti shan mi. Aya ne a ti shan be riye̱ rizining, i nye ye a shan aner aya a tin tom.”

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

aMarkus 7:19

Kamok i no̱ kaye̱e̱r riye̱ wu baꞌ amma kaye̱e̱r kafa wu, ne i bun i wuruk nama'me.” (Rife̱ aYeso na tonong ye a ta kyem a ya koakye kuri naya.)

Itomong Ámanzo 28:2

Áner kuwo̱p'e ti tonong yir ritek makiyi. Ayong á ti shan yir ibo̱k ifa cice̱r yir ne á ni kas yir kuro̱ng kamok iza sen kpa ne karo̱ shirim.

aRom 11:15

Ke ku ka raba ba ta be̱e̱n kazatse igaas, ku ka shan ba tà be̱e̱n akye̱, kyo̱ndi a ta wuruk kaye̱e̱r riku nong a ta be kaye̱e̱r kutser aꞌa?

aRom 14:2

Kuno̱o̱k katsak akak, tu ku won a ta ya koakye ike̱ng wu ta se̱, amma aner aya kuno̱o̱k katsak wu ta be̱ agap baꞌ, ya awan rikon tsek.

aRom 14:3

Aner aya a ta kyem a ya koakye kuri naya afe wu ta shim, a tu zhe̱e̱sh aner aya a ta won dar a kyem a ya koakye kuri baꞌ. Anong ne aner aya a ta won dar aya koakye kuri naya tu di rine̱n aner aya a ta ya koakye kuri naya baꞌ, kamok Adakunom mu ku shan.

1 aTasalonika 5:14

Yir bun i ka yis yin ároneng, zhe̱she̱k yin áya sang á ta shim kunye itomong baꞌ, tsesek yin áya a ta be kutsesek baꞌ, tobok yin áya sang á ta be agap baꞌ, se yin whiwhe̱ be koangan.

Ibrani 5:14

Naya na ta se kpakarak nye nafe áner aya a tan te anerawe, áner kuri ayong ne á ninye itomong be kuto̱ro̱ng ba nong á ta kyem á ren ike̱ng iya i ta nye itek be imaan'e.