aRom 13:13 - Izere New Testament

¹³ Won i tu sor yir kusor kutek kuya ku tana tonong ye yir nye yir aya a ta se kaye̱e̱r akanang, sang ku so̱ iriri ike̱re̱ ne a feng baꞌ, ne a gung rice nong á ta nye ike̱re̱ isum ka ku nye kukpe̱de̱ng'e ne rikuna baꞌ. I tu ko̱ro̱ng yin ka tin no̱ yin kaye̱e̱r rishishim baꞌ.

aRom 13:13 Referans Kwoze

aGalati 5:21

be rishishim ne kufeng ne a na ka yis naro̱ kazining nong a ta ya ne a so̱ ne a nye kyo̱ndi agabu ne a nye ike̱re̱ ikak kyo̱ndi anong. Mi ta ko̱ro̱k yin kuto kyo̱ndi mi tà tsang i fe̱ ye áfe a ta nye ike̱re̱ kuri iyuna ta no̱ kaye̱e̱r rigwo̱m Adakunom baꞌ.

Afisa 5:18

Sang tu so̱ yin kugbe̱re̱ ma ta feng yin'e baꞌ, kamok iren kuwei ne i nye iyong, amma shining yin be Kabik Kazhe̱l'e n ingya.

1 aTasalonika 4:12

Nong ase̱ kuse yin ta se̱ kuyiik nufe áya sang a ta nye áfikuus baꞌ, ne i bun i se̱ yin ike̱re̱ ife rice yin fan i bin fereng yin na akak.

1 aYohana 2:6

Aner aya a ta fe̱ ye wu sor kaye̱e̱r Adakunom ta sor kyo̱ndi aYeso tá sor dim.

Afisa 5:15

Kamok anong, sak yin riye̱ be kuri kusor yin dide̱ng, sang tu sor yin kyo̱ndi áfe a ta se dar ritse̱ng baꞌ, amma sor yin kyo̱ndi áfe a ta be ritse̱ng.

1 aTasalonika 2:12

Yir ta nyesek yin itabak ne i ka tsesek yin ne i bun i ka nye yin akusuk nong ta sor yin kuri kusor kuya Adakunom ta shim kamok wu ne a tá ka yis yin kaye̱e̱r kuyiik wu ne rigwo̱m wu.

aLuka 21:34

“Sak yin riye̱, so̱. Sang tu won yin kuso̱ ike̱re̱ ne kuya kanu be kushim ike̱re̱ kazatse na ta sok kuto̱ro̱ng yin baꞌ, sang ke anong baꞌ, kunom'e tin be̱ ni yin niburum.

1 aTasalonika 5:17

Nye yin aduwa koakye izen.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

aZhud 1:23

Shesh yin ákak kyo̱ndi a ta shesh anerawe kaye̱e̱r kuro̱ng. Ro̱ yin riye̱ ákak ba, amma nye yin tatan. Fok yin akye̱re̱ ares ba ne amaan kunye ba kuri rife̱ rinerawe.

2 aYohana 1:4

Mi nye riye̱ rikan dide̱ng i ta se̱ inoon wan nakak á ta se nikuus be agap, kyo̱ndi Ada yir Adakunom tin tak yir.

aYakub 4:5

Ke yin di yin ye Kufumung Adakunom fe̱ tsek ye Kabik wu ta sak ka ta sor kaye̱e̱r yir, be rishishim dide̱ng a?

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

aFilipi 2:3

Sang tu nye yin ike̱ng ikak be kushim rice baꞌ, ka be kuka baꞌ, amma be yin kumees rice ne i sok yin áfudang yin kyo̱ndi á ta nar yin.

Afisa 5:8

Kamok yin tsang i se yin na awhi gbugbang, amma kyo̱o̱rna yin se yin na akanang kamok Agwo̱m Ágwo̱m. Sor yin kyo̱ndi inoon akanang.

Afisa 4:17

Kamok anong, mi ta ko̱ro̱k yin kuto kaye̱e̱r riyerek Agwo̱m Ágwo̱m ye, sang tu ba sor yin kyo̱ndi áfurin ta sor be kuri kuto̱ro̱ng ba kufe rifunam baꞌ.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

aGalati 5:19

Kuse rinerawe se de̱s, kunye ike̱re̱ kyo̱ndi: rikuna be amaan kuse, ne kunye kyo̱ndi agabu,

Itomong Ámanzo 2:15

Sang áner na n feng be kugbe̱re̱ kyo̱ndi yin ta sok yin baꞌ. Karo̱ ru nye kadiding nizham, izen nye itso̱m katonbo̱k tsek.

aLuka 16:19

“Arum akak tuse afe a tá tes ares atek afe itso̱m, ne a fok kusas kusor ye̱r ye̱r kamok kurum wu tá be.

aLuka 1:6

Cice̱r ba, á nye áner aya kutseng ba tá se gye̱r nasho̱o̱n Adakunom, á kuus Itsi be ike̱re̱ Adakunom tá fe̱ ye a ra kuus cei gye̱r gye̱r.

1 aKoranti 3:3

Yin ru be yin kuto̱ro̱ng rinerawe kamok yin ru be yin rishishim ne i ko̱ro̱ng yin. Aser, iyong tonong ye yin ru be yin kuto̱ro̱ng rinerawe aꞌa? Kunye kuyong nye kuse rinerawe aꞌa?